Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Harrikadak / Konturatu gabe urtebete pasa da

Konturatu gabe urtebete pasa da

Mikel Iturria 2005/07/14 07:30

Bai, urtebete pasa da eibar.orgeko guruetako batek, Luistxo Fernandez jaunak, bloga martxan jartzeko gonbitea luzatu zigunetik. 2004ko uztailaren 14an hasi nintzen Mariano Ferreren agurrari buruzko mezu batekin.

Uztailaren 17an egin genuen CodeSyntax enpresaren bulegoetan ikastaroa. Ez nekien oso ondo zer zen blogintza ezta nora gindoazen, baina handik zenbait astetara Fernandezek argi eta garbi esan zigun munduaren dominazioa izango zela 2009 urterako lortu beharreko helburua. Lortzeko bidean gaude.

Normala denez, hasiera batean proba ezberdinak egin nituen eta mezu batzuk borratu nituen gero. Horregatik ez dago sarean eskuragarri 1.a, ezta 4.a, 7.a eta 8.a ere. Auskalo zer txorakeriak idatzi nituen! Gerora, hori bai, idatzitako txorakeriak mantendu ditut blogean.

Urte hau positiboa izan da. Nire buruari jarritako ariketa izan da blog hau hornitzea eta espero baino hobeto joan dela esango nuke. Batzuetan besteetan baino hobeto, baina pasa dugu urtea. Ke letxes!

Eguna ere, uztailak 14a, Errepublikaren Eguna Frantzian, esanguratsua da. Eta Errepublika Egunak beti gogorarazten digu Eibar: gora Eibar.org!

Oporrak laster hartzeko asmoa dut (eta beharra: bai, zuek ere bai, badakit!). Brasilera joango gara uztailaren bukaeran. Iaz Sizilian egon ginen abuztuaren azken astean. Mezu hau idazteko hasierako postak begiratzen egon naiz eta oso gogoan dut Enzo Baldoni kazetari italiarra, Irak-en bahitua eta erahila izan zena gu Italian geunden bitartean. Berezia izan zen niretzat eta gaur Bloghdad bere blogean iazko abuztuaren 26an igotako argazki bat mantentzen dela ikusi dut. Gogorra, baina era beran itxaropentsua da:

Egile eskubideak

Garai txarrak lirika egiteko, baina, hori bai, gora gu eta gutarrak!

Prolema: zeintzuk diren gutar kabroi horiek!

etiketak:
Patxi
Patxi dio:
2005/07/14 03:05

Zorionak iturri!

Gutarrak dira... Haietarrak ez diren hoiek!

Iturri
Iturri dio:
2005/07/14 12:57

Kaixo:

Ba eskerrik asko mezuak utzi dituzuenei.

Beste kointzidentzi bat: Errepublika Eguna hegoaldean apirilaren 14an da. Gazteleraz: 14/4.

Eta zein da mezu honen zenbakia? 144.

Agurrrrrrrrrr

lo74
lo74 dio:
2005/07/14 15:12

zorri-onak!

:-)

Joxe Aranzabal
Joxe Aranzabal dio:
2005/07/14 11:30

Zorionak, Mikel! Bide luzea egin duzue urtebetean, eta oparoa. Ondo pasau oporrak!

edu
edu dio:
2005/07/14 12:23

Aupa Iturrinho,

Ondo-ondo ibili Brasil aldean! Ea Realerako fitxajeren bat ekartzen duzun eta Anoetan futbol-samba ikusten dugun!

Laster arte.

Xabi
Xabi dio:
2005/07/14 10:24

Goian 2009. ipini dut, baina, ez dakit zergatik, ez da agertu.

Xabi
Xabi dio:
2005/07/14 10:23

  1. erako munduaren jabe, horixe baietz!

Zorionak Mikel eta urte askotarako.

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Idatzi zortzi zenbakiak erabiliz
Erantzuna:
Aurkezpena

Mikel Iturria aka Iturri, irundar bat eibarnauta elastikoarekin agit&prop egiten.

Pedradas, en castellano

Kontrakoa esaten ez den bitartean, blog honen edukia ondorengo Creative Commons lizentzia honen pean dago:

Somerights20

Stat counter