Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Urrezko hiria

Urrezko hiria

Amatiño 2016/10/22 15:15
Ederra gero, zoragarria, kanpotik zein barrutik, Banda Sinfonikoaren kontzertuaz atzo, estreinako, jendeari ateak ireki zizkion Musikene ikastegiaren eraikuntza. Honako honekin eta lehendanik dituenekin (San Telmo, Kursaal, Koldo Mitxelena, Basque Culinary Center, Tabakalera, Chillida-Leku…) ezin ukatu Donostiak eskaintzen duen kultura-azpiegitura pare gabea, donostiarren arrangurak eta intziriak nekez ahituko diren arren.

Nago, eta ez da diodan aurrenengo aldia, ñoñostiarra dela euskal hiritarrik kexatien eta bekaizkorrenetakoa. Beti asegaitz, beti eskale, berak lortzen dituen guztiak merezimendu osoz dagozkiolakoan eta inorenak ere berari zor zaizkiolakoan.

Inoiz aipatu izan ditut Odon Elortzak, alkate zelarik, bere bulegoan serio asko esan zizkidanak. Batetik minduta, kexu, txarto esaka, auskalo ze azpiegitura Bilbora “joan” zelako eta bestetik, harro, biztanleko inbertsiorik gehien egiten ziharduen euskal hiria bere Donostia zelako. Eta hau ez diot Odon adiskidea gutxiesteko edo haserrarazteko, zein donostiar petoa den frogatzeko baino.

Donostiak (186 mila biztanle) ez du sekula bere burua Iruñea (195) edo Gasteiz (243) hiriekin alderatu izaten (ezta daudenik ere), behin eta berriz Bilborekin (345) baino, Artxandapeak ia Igeldope osoa bikoiztu arren; eta gainditu ezinezko obsesio horretan ernaltzen zaizkio hamaika malur antzu.

Donostia da familia aberatseko seme bakarra bezalakoa, mimatuegia, babestuegia, gaizki hazitakoa. Ondorioz, uzkur samarra, fidakaitza, inork baino gehiago eduki arren inork daukanaren eskaketan bizi dena.

Beti negarra jotzen ari den gure urregorrizko Donostiak jakingo al du, noizbait, ez digula batere penarik ematen, inbidia baizik?

Musikene1

Musikene, Euskal Herriko goi-mailako musika ikastegia. Aurrez aurre, zuhaitz-artean, sarrera nagusia, Donostiako Europa plazan.

Musikene2

Osteko ikuspegia, bart iluntzean

Jon Etxabe garitazelaia
Jon Etxabe garitazelaia dio:
2016/10/23 20:07
Ez dut ukatuko Donostiaren kultura azpi-egitura oparoa, baina Okendo eta Bulebar kaleek bat egiten duten kantoian KUTXAk zuen eta bisitari asko eta askorentzat artearekin zitaleku irrikatua zen Erakusketa Aretoa janari merkeko jantoki bihurtu da.
Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hiru ken lau (idatzi zenbakiz) ?
Erantzuna:
Aurkezpena

Amatiño

Luis Aranberri Mendizabal