Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Txomin Peillen eta Pettiri Sabuki

Txomin Peillen eta Pettiri Sabuki

Amatiño 2016/04/08 19:50
Nazioarteko merkatuan nobela beltza indarrean dagoen garai honetan, omenalditxoren bat edo beste zor zaio Txomin Peilleni. Ondo dago Pepe Carvalho (Manuel Vázquez Montalbán, 1972) mirestea, baina Pettiri Sabuki (“Gauaz ibiltzen dana”, 1967) euskal polizia paristarra bost urte lehenago sortu zen. Eta datorren urtean, berrogeita hamar.
Txomin Peillen eta Pettiri Sabuki

1967ko azala

Egunotan filmatzen ari da, Baztanen, Dolores Redondok argitaratutako (euskaraz, gailegoz, gaztelaniaz eta katalanez) lehen nobela arrakastatsuaren (“El guardián invisible”, 2013) pelikula.

Azken bolada honetan, idazle donostiar hau da Euskal Herriko nobela beltz egilerik irakurriena (30 hizkuntzatan itzulia) baina ez bakarra. Sei urte lehenago ekin zion Jose Javier Abasolok eta geroztik plazaratu dira, gaztelaniaz, Jon Arretxe, Willy Uribe, Ibon Martín, Xabier Gutiérrez, Aritza Bergara eta beste.

Euskaraz, berriz, Jon Arretxe bera eta, aurretik, Gotzon Garate, Xabier Gereño, Anjel Lertxundi, Aingeru Epaltza, Itxaro Borda eta beste zenbait. Eta, klasikorik klasikoenen artean, Jose Antonio Loidi (“Amabost egun Urgain’en”, 1955) eta Mariano Izeta (“Dirua galgarri”, 1962), polizia-nobela guztiak benetan “beltzak” ote diren oso eztabaidagarri bada ere.

Auskalo zergatik, ordea, zerrendarik usuenen artean ez da sarri agertu izaten Txomin Peillen euskaltzaina, euskal nobelagintza beltzaren esparruan lehena izan ez zen arren, bai, ostera, berritzaileenetakoa, “Gauaz ibiltzen dana” (1964an idatzia, nahiz 1967an argitaratu) eta “Gatu beltza” (1973) eleberri parea lekuko.

Stieg Larssonen galaxian*, ez diogu gero batere meriturik kenduko Euskal Herrian ere eleberri beltz arrakastatsua (eta arina) egiteari, baina, esaterako, Pepe Carvalho (Manuel Vázquez Montalbán, 1972) baino, barrena, bost urte lehenago Pettiri Sabuki (Txomin Peillen, 1967) euskal polizia paristarra sortarazi zuenari ohorezko txapelen bat zor zaio. Eta datorren urtean, berrogeita hamar. 

Blog

Txomin Peillen, Usurbilen (1974), Z. ARGIArentzat egindako elkarrizketan

 

• Egungo eleberri beltzetako protagonisten artean, aipagarri Frantz Delplanque idazle frantsesak (“Un grano de odio”, 2013) Ipar Euskal Herrian kokatzen duen Jon Ayaramendi hiltzaile profesionala, erretiratu ostean detektibearenak egingo dituena.

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Idatzi zortzi zenbakiak erabiliz
Erantzuna: