Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Ordenadagailu eta guztiko ile-apaindegia

Ordenadagailu eta guztiko ile-apaindegia

Amatiño 2009/08/15 00:24
Lehen, ile-apaindegira joaten ginean, galdetu ohi ziguten: “zelan nahi duzu?” Eta erantzun egokia asmatu ezinean jardun izaten genuen, benetan zail samarra baita era horretako abstrakzioari erantzun zehatzik eman ahal izatea. Orain, berriz, erantzuna askoz ere samurragoa da, galdera ere askoz ere zehatzagoa da-eta: “egunkaria, aldizkaria ala ordenagailua?”

Aspalditxo sartu ziren ordenagailuak ile-apaindegietan. Merkatuan edozenbat software berezi daude salgai, ile-apaindegien barne-kudeaketa errazteko, hitzorduak emateko, bezero-fitxak eramateko zein, 3D programak tarteko, bezerooi hainbat diseinu-proposamen zehatz eskaintzeko eta baita euren buruan zelan geratuko den aldez aurretik erakusteko ere. Belarri batetik bestera bizarra mozteko makina pasatzearekin konformatzen garenok ez dugu horrelakorik behar izaten baina hona non, ustekabean, zenbait ile-apaindegitan hasiak diren ordenagailu-zerbitzua eskaintzen noiz txanda helduko zain egon behar duten bezeroentzat.

Bai, nik dakidanez behintzat, Donostian bada gutxienik ile-pandegi bat –batez ere emakumezkoentzakoa izan arren gizonezkoei ere ilea moztu izaten diena—, bezeroa bertan sartu bezain laster, eseri orduko galdetzen duena: Zer duzu nahiago, egunkaria, aldizkaria ala ordenagailua? Eta ez pentsa gero, wifi eta guztiko ordenagailu eramangarria gainera.

Nolatan edo zer dela-eta hartu duten erabaki hori galdetuz gero, erantzunak serio samarra ematen du: Inkesta egin genuen gure bezeroen artean,  zer sumatzen ote zuten faltan ile-apaindegira etortzen zirenetan eta, itxaro genituen erantzun arruntez gainera –ura, kafea, kirol-prentsa, prentsa arrosaren aukera gehiago etab.— behin eta berriz agertu zitzaigun inondik ere itxaro ez genuena: ordenagailu-eskakizuna.

Inkestak ez omen dira egin behar jaramonik ez egiteko, eta Donostiako ile-apaindegi honek ziztu bizian erosi zuen ordenagailu sorta eta zintzo asko bezeroei eskaini. Zoritxarrez, horren zintzo ez direnak bezeroak dira nonbait, honez gero ordenagailu bat desagertu baita: Badakizu, emakumeek poltsa handiak erabiltzen dituzte-eta…

Hurrengo asmakizunak ordenagailuak ile-apaindegitik atera ez daitezen berme-sistema izan beharko du. Auskalo GPSa ezarri beharko zaien, atetik irtetzerakoan entzuteko txilina ala motozikleta-giltzarrapoa baina, garbi dago gero, negozioak nekez iraun dezakeela ile-mozketa edo apainketaren ordainez bezeroek ordenagailu “eramangarria” besapean hartu eta eramaterik baldin badute.

Bide batez, zein litzateke sistemarik seguruena eta merkeena lapurrak uxatzeko?

Amatiño
Amatiño dio:
2009/08/16 18:33

Ez dut loturarik jarri ez dudalako loturarik jarri nahi izan. Loturarik jartzekotan beste modu batez idatziko nuen, elkarrizketa zehatzik gabe esate baterako, neskak ez baitzuen esandakoa esan gero inoren blogean agertzeko. Ileapaindegia Donostia erdi-erdian dago. Berri samarra da oraingo lekuan, oso oker ez banago oraintsu arte beste nonbait zegoen. Ez dut helbide berririk aurkitzen. Baina esango dizut.

oier g
oier g dio:
2009/08/15 10:35

webcam bat itxarongelara enfokatzen, jakiña!

Luistxo
Luistxo dio:
2009/08/16 11:02

Ematen duzun loturan ez dut aurkitu Donostiako ileapaindegirik. Zein da zehazki zerbitzu hau ematen duena?

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Idatzi zortzi zenbakiak erabiliz
Erantzuna:
Aurkezpena

Amatiño

Luis Aranberri Mendizabal