Nazioarteko euskal presentziaren erronka
Enpresa Zientzietan Lizentziatua (Donostia-Sarriko, 1990), Lovainan bereganatu zuen Europar Ikasketez Diploma (1991) eta Nancyn, gero, Ekonomia eta Enpresa Masterra (1992). Bruselako euskal ordezkaritzan (Interbasque) bekaz lan egiteari ekin zion (1993) eta bertako Kanpo Harremanetako teknikari aditu gisa sei urtez jarraitu. 1999tik 2009ra bitartean, berriz, Eusko Jaurlaritzaren Industria Saileko Nazioarteratze Zuzendaria izan zen.
Marian Elorzaren gidaritzari nahiz garaiko susperraldiari esker, aipatu hamarkada horretan sustatu eta bulkatu zen gogotik euskal enpresaren nazioarteratze-prozesua, esportaziotan eta munduan zeharreko ezarpen ekoizkor zein komertzialetan, sekula aurretik euskal enpresak kanpoko merkatuetan barrena izan duen zabalkunderik nabarmenena.
Erronka berriak ditu orain Maria Elorzak, aurrez aurre. Berriak eta politak, zeharo erakargarriak. Euskal enpresen presentzia ez ezik, Eusko Jaurlaritza osoarena behar izango du bultzatu, sail guztiei sostengua eskaini, europar gaiez arduratu, Europako Eskualde Batzordean parte hartu, atzerriko euskal ordezkaritzak indartu etab. Programa berria, estrategia berria, erronka berria...
Marianek asmatuko al du! Hasteko, hiru baliabide galant ditu bere alde: jakin, daki; gustatzen zaio eta behargin aspergaitza da.
Zorionak eta… zori on!
Marian Elorza, Shanghaiko hotel bateko business centerrean, duela hamar urte inguru, hardware garauak adierazten duenez