Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Naukas: urtean zehar Euskal Herrian eratzen den zientzia-zabalkunderik nabarmenena

Naukas: urtean zehar Euskal Herrian eratzen den zientzia-zabalkunderik nabarmenena

Amatiño 2022/09/16 12:45
Naukas zientzia-zabalkunderako jardunaldien XI. edizioari ekin zitzaion atzo eta, igande arte, hiru egunetan zehar eratuko da Bilboko Euskalduna Jauregian, Euskal Herriko Unibertsitatearen Kultura Zientifikoko Katedrak antolatua, Juan Ignazio Perez Iglesiasen ardurapean.
Naukas: urtean zehar Euskal Herrian eratzen den zientzia-zabalkunderik nabarmenena

Iñako Perez Iglesias, atzo.

Ohi bezala, zabalkunderako-jardunaldiek hiru ekitalditan banatuko dira. Atzo, ostegunez, Naukas PRO izan zen, Garapen Iraunkorraren Helburuekin artez arte lotutako gaietan egiten ari diren ikerketen aniztasunaren panoramika eskainiz, ekonomiaz, energia berriez, gizarte-irizpideez, ekologiaz zein hirietako ingurumenaz eta bestez.

Nik neuk hiru bereiztekotan, Elias Unzuetak (Petronor) Lorena Perezek (Errioxako Unibertsitatea) eta Eneko Axpek (NASA) hurrenez hurren, hidrogenoaren euskal erronkaz, hizkuntza kognitiboaz eta elikadura iraunkorrez azaldutako txostenak. Hiru power-pointak, zein baino zein, gogoan izateko modukoak. Ea erarik asmatzen dudan blog honetan laburbiltzeko, azken biak batez ere, euren berririk ez baita oraindik gurean izan.

Gaur eta bihar, berriz, Naukas Bilbao’2022 delakoaren txanda izango da. Goizez eta arratsaldez 10 minutuko berrogeita hitzaldi zeharo berdinezak eskainiko dira, bata bestearen ondoren, errenkadan, etenik gabe eta erlojupean.

Igandean, azkenik, gaztetxoei eskainitako egunean, Naukas KIDS izeneko programaz amaituko dira jardunaldiak, UPV/EHUko Bizkaia Aretoan.

Sarrera aukeran eta doakoa, eserlekurik libre geratzen den artean.

Horrez gainera, ETB zuzenean ematen ari da, eta gaur goizekoak, esaterako, sarean daude.

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hiru ken lau (idatzi zenbakiz) ?
Erantzuna:
Aurkezpena

Amatiño

Luis Aranberri Mendizabal