Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Muturrez mutur

Muturrez mutur

Amatiño 2011/04/02 00:05
Azken berrogei urteotan zenbaiten politika-jauziak hizkuntza-aldaketak baino handiagoak izan dira. Aipurik egin beharrik gabe, edonork du gogoan ezker-eskuin muturrez mutur pasatu denik, edota abertzale sutsu izatetik espainiar nazionalista izatera igaro denik.

Ez dira horrenbeste hizkuntza arloan egindako jauzi mortalak, hizkuntzari politikari baino atxikimendu irakunkorragoa balerio legez, edota euskararen apostuetan errotutako ahaleginak alderdiei dagozkien demetan aritutakoak baino kementsuagoak bailiren.

Hala ere, ezagutu badazagut kazetariren bat, gaztelaniaz ere lan egin zezan eskatu zion zuzendaria traidoretzat jo ostean, bizitza profesional guztia gaztelaniaz egin duenik. Ezagutzen dudan bezala, euskararen defentsan “faxistak” izan behar genuela esan zidan arren –duela 35 urte eta Durangoko Azokan–, orain barra-barra –eta alderdiren baten mesedetan– gaztelaniaz idazten duen idazlerik.

Arazoa ez da euskaraz ala gaztelaniaz idatzi behar ote duen idazleak, kazetariak edota sursumcordak. Kontua da ezin dela ezertan ere “faxista” izan. Ez inoren kontra, baina ezta norberaren alde ere.

ARGIA astekaria, 2011-04-03

 Euskara-san-millan-yuso

Amatiño
Amatiño dio:
2011/04/05 19:12

Hi, Imanoltxu, ez deuat ezer ulertzen. Zertaz diharduk?

oier g
oier g dio:
2011/04/03 23:52

Eta bueno, oin ez gaittuzu halan lagako, ¿ala? Erretratuko idazki enigmatiko horren historixia kontau barik, diñot.

oier g
oier g dio:
2011/04/04 16:01

Nun dagon letreruori eta noizkua dan, batez be.

Amatiño
Amatiño dio:
2011/04/04 02:23

Zein dok galderia? Zer esangura daben hórrek esaldixok? Ala zergatik aukeratu dittudan?

Zer esangura ete daben ez jakixat, iñork zihatz ez dakixan moduan.

Zergatik aukeratu ete dittuten... ba, zortzirehun urteren bueltan euskal kementasunaren eta iraunkortasunaren erakusgarritzat jotzen dittudalako.

txu
txu dio:
2011/04/05 18:59

Bai, hantxe dago. Eta ohartxo bi: bata, ez dago bizkaieraz, gipuzkeraz gehixago, edo agian, batuaz ;-), eta bi, hango kartelian ondo idatzia dago, "euskarazko lehenengo esaldixak", eta ez, hango bisita-arduradunak ziñuen lez, "lehenengo berbak". Ondo bizi.

Amatiño
Amatiño dio:
2011/04/05 01:59

Yuso monasterixuan dagok, sarreran, 1974ko ekainaren 15etik.

Hainbat minutu barru post berezi bat amaittuko juat horren gainean.

Eta, hemen amaittu aurretik, zuzenketatxo bat. Aurreko iruzkiñian "zortzirehun" urte aittatu banajuan be, mila urte dittuk. Hori idazterakuan Berceo najeukan buruan baina kodexa berrehun urte lehenagokoa dok.

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Idatzi zortzi zenbakiak erabiliz
Erantzuna:
Aurkezpena

Amatiño

Luis Aranberri Mendizabal