Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Marketinaren "biblia"

Marketinaren "biblia"

Amatiño 2014/06/13 00:10
Eusko Jaurlaritzaren dirulaguntzaz, eta Deustuko Unibertsitatearen ildotik, kalean da MARKETINAREN OINARRIAK liburukote mardula. Ia mila orrialde luze eta bost zentimetro lodi, marketinaren “biblia” da, Philip Kotler “guru” handiaren emaitzarik funtsezkoenetakoa. Hemen da, heldu da. Hamabigarrenean euskaraz, agidanez.

Marketinaren oinarriak

"Marketinaren Oinarriak" (Philip Kotler eta Gary Armstrong)

Kapitalismoak sortze beretik asmatu zuen produkzioa (ekoizpen-teknika) baina ez zen marketinaz (salketa-teknika) jabetu 1955 arte edo. Gurean, berriz, ezta 1980 arte ere. Ordurako Philip Kotler aitzindariak hogei urte zeramatzan marketina irakasten eta 1975an “Leader in Marketing Thought” (buruzagi marketin-pentsamendutan) izendatu zuten.

Philip Kotler maisua da maisurik bada marketin-alorrean. Ehundaka eskola-liburu, ikerketa, azterketa eta saiakera idatzi ditu gai honetaz, eta ez soilik nolabaiteko enpresa-marketinaz, baita herrialdeok nazioarteko merkatuan lehiakor izango badira landu beharreko nazio-marketinaz ere (El marketing de las naciones. Paidos, 1998).

Deustuko Unibertsitateak --Hezkuntza, Hizkuntza Politika eta Kultura sailaren laguntzaz-- argitaratu duen alea eskola-liburua da, unibertsitate-ikasketetan marketin-esparrua landu ahal izateko gai-bilduma aproposa, beti ere marketinaren lau lan-arlo klasikoak --produktua, prezioa, plaza eta promozioa (ingelesezko lau “p”ak)-- hainbat alderditatik ikertuz eta miatuz.

Euskarak hamabi argitalpen behar izan ditu marketinaren biblia bereganatzeko. Asko ala gutxi ote?

MarketinarenPatxi Baztarrika, Itziar Navarro, Lorea Narvaiza eta Roberto San Salvador, aurkezpen egunean

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hogei ken bi? (idatzi zenbakiz)
Erantzuna: