Landarbaso, Donostia berdea
Dena ez da porlana
Edozenbat herri-sormen eta leienda-iturriren habia da Landarbaso, ez baitira alferrik bertan Aizpitarte leizezuloak. Indusketa arkeologikoetan aurkitu diren aztarrenik antzinakoenak goi-paleolitiko garaikoak dira, duela 25.000 urte ingurukoak.
Nahiz udaletxetik Landarbasora 14 km. besterik ez izan, ezagutu nahi izatekotan bertaraino apropos joan beharrra dago; nekez gero, bide batez, inora bidean. Aitzakia ona, ordea, Hernaniko Chillida Leku ingurutik Errenteriako San Marko gotorlekurainoko itzulbira, Landarbaso gainetik eta Urumea ibaian barrena.
Galarretako errotondatik hasten da bidegorria, Hernanin sartzeke herria zeharkatzeko aukera ematen duena. Ergobia eta Astigarragan barrena, autopista gainetik gurutzatu eta Errenteriako San Markora igo. Bueltan, Listorretako parkean zehar, Aizpitarte leizeetarantzako bidea bere gisara utzi ostean, Landarbasoko aldapa larriei ekin, goiko zalditegiraino. Barreneko langa ireki (eta itxi) eta maldan behera Ereñotzuraino. Urumearen ezker ibarreko bidezidor meharretik (dena ez da porlana), Hernaniraino, Leokako harraskarekin (1538?) topo egin arte.
- Hernanitik Errenteriara, iparraldetik, ezinbestekoa da; baina buelta, berriz, Landarbason eta Urumean zehar, ederra benetan.
- San Marko gotorlekutik, Bidasoalderako ikuspegia
- Landarbasora bidean, %12 inguruko aldats latza.
- Donostia berdea. Maldan behera, Ereñotzu aldera. Barrenean, Adarra.
- Nork esango gero... Urumea.
- Leokako harraska, Hernanin. XIX. mendean eraberritua, lehen agiria 1538koa omen.
