Ziurgabetasunak ez dio, oraindik, lan-arloari nabarmenegi erasan
Areago, Nafarroan eta Espainian langabeziaren datuak pittinen bat gehitu badira ere, Euskal Autonomia Erkidegoan eta Europa Batasunean aldaketarik izan baldin bada, onerako baino ez da izan.
Aipagarri, hala ere, espainiar Estatu barruan EAEk eta Nafarroak utzi diotela langabeziarik gutxien duten autonomien zerrendaburu izateari, Balear Irlen (5,79) eta Errioxaren (8,03) mesedetan. Eta Europar Batasuneko Estatuen emaitzekin alderatuz gero, berriz, Hego Euskal Herria, %8ko langabeziaz oro har, laugarrena litzateke langabeziarik gehien duten barrutien zerrendan, Espainia (12,67), Grezia (11,4) eta Txipreren (11,3) ondotik eta Italiaren (7,9) aurretik.
Bestalde, Espania, Nafarroa eta EAEren langabezia-datu orokorrak sexuaren arabera banatuko bagenitu, Estatu osoan emakumeen (14,84) langabezia gizonezkoena (10,74) baino %30 handiago litzateke. Nafarroan, emakumeena (10,67) gizonezkoena (7,51) baino %40 handiagoa, eta Euskal Autonomia Erkidegoan, parekoago, emakumeena (8,43) gizonezkoena (8,16) baino %3,3 handiagoa.
