Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Kritikaren kritika

Kritikaren kritika

Amatiño 2020/12/22 08:40
Kontua da, artez arte hori esateko gertu dagoen kritikaria behar bezain objektiboa ote den oholtza gainean azaldutakoa balioesteko. Kontua da, hurrengo batean mereziko ote duen bere kritika irakurtzeari ekiteak ere. Kontua da, horrela jarduten duen profesionalari ez ote zaion zerbait falta.
Kritikaren kritika

Martin Harriague

“Walls” demostró que Martin Harriague cuenta con mayor número de recursos para acometer una creación, aunque los fuegos artificiales no consiguieron ocultar lo maniqueo de su propuesta. Meter en el mismo saco a Donald Trump, la Intifada y los muros entre EE.UU. y México, e Israel y Cisjordania, cuando menos indica una cierta desorientación en cultura política. Un producto ramplón para agradar a la opinión pública europea” (DV, 2020-XII.20).

Esaldia da Iratxe de Arantzibia dantza-kritikariarena. Hala ere, Victoria Eugenia antzokian bildu ginen “europarrok” hainbat minutu luzez txalotu genuen ikuskizuna amaitu ondoren eta, irteerako atarian, aho beteko iritzi onak baino ez ziren entzun Martin Harriagueren lanaz.

Beharbada, “europarrok” arinegiak gara eta lar axolagabeak. Lotsagarri samarra, antza, #56-Thirty, Hombre Masa, Walls izeneko dantza-saioa ikustera joan eta,  koreografiaz, musikaz zein dantzaldiaz gozatzen ausartzea… Mexikoko zein Zisjordaniako harresien arteko alde politikoez jabetu beharrean.

Segur aski denok izan dezakegu manikeismoan eroritzeko tentaldia eta subjektiboak izateko arriskua, batez ere ikuskizuna gure inguruko dantza-taldearena denean eta, koreografoa, Baionako artista ezaguna. Baina zilegi bekit Iratxe de Arantzibia kritikariari  galdetzea, ez ote dagokeen manikeismo-arriskurik bere iritzi honetan: <qué menos que se justifique> "la inversión del erario público en este proyecto que tantas veces ha mutado de piel que ya no se sabe si es compañía preprofesional, junior, joven o qué, porque donde no hay mata, no hay patata”. Auskalo arrazoirik ote duen ala ez. Baina, normalean, arrazoizko argudioek ez dute isekarik behar izaten. Gazte-andana horrela tratatzea ez al da “ramplona”?

Nago, bezperan aurkeztutako ikuskizunari dagokiokeen kritika ez dela lekurik aukerakoena funtsezko egitasmo osoa arbuiatzeko. Zalantzan, gero, aldez aurretik horrela uste duen kritikaria aproposena ote den oholtza gainean azaldutakoa objektibotasunez balioesteko. Batek daki, aurreiritzi horiek tarteko, hurrengo batean merezi izango ote digun bere kritika irakurtzen hasteak ere. Arduratzekoa, berriz, horrela jarduten duen profesionalak ez ote duen bere buruari aitortu nahi ez dion ezintasunik edo noraezik.

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hogei ken bi? (idatzi zenbakiz)
Erantzuna:
Aurkezpena

Amatiño

Luis Aranberri Mendizabal