Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Kataluniako CCOOren historia-artxiboak milioi t´erdi erreferentzia

Kataluniako CCOOren historia-artxiboak milioi t´erdi erreferentzia

Amatiño 2010/06/08 23:47
Kataluniako Comissions Obreres sindikatuak deitua, Josu Jon Imaz Euskal Energia Klusterraren zein Petronorren lehendakaria atzo astelehenez mintzatu zen konfederazioaren Bartzelonako egoitzan "Energia i sostenibilitat" gaiaz. Bide batez, CCOOen Arxiu Històric delakoa bertatik bertara ikusteko aukera izan zuen.

Kataluniako Comissions Obreres sindikatuak 1990an erabaki zuen arxiu històric hau osatzea eta geroztik, azken  hogei urteotan, sindikatua bera sortu (1964) aurreko zein ondorengo Kataluniako langile-mugimenduen dokumentaziorik oparoena eta garrantzitsuena biltzea lortu ahal izan du Cipriano Garcia Fundazioaren baitan. Gaur egun 8.000 ale ditu eta milioi t´erdi erreferentzia.

CCOO sindikatuak ez du Katalunian UGTk edo CNTk duten historia luzea baina gaur egun langile-erakunderik nagusiena da 184.000 bazkidez. Segurutik nagusitasun hau arrazoitu dezakeen argudio sindikal soilik ez da falta izango baina, behar bada, ezta politikorik ere. Izan ere, nabarmena da gero PSUC alderdiak eta CCOO sindikatuak frankismoaren diktadura-garaietan partekatu zituzten buruzagi handiak, Cipriano García, Angel Rozas zein Antoni Gutierrez “el Guti” esaterako.

Hain zuzen ere, zenbaiten ustez CCOO sindikatuak Katalunian lortutako arrakasta (%44 inguruko ordezkaritza du egun) PSUCen hondamendiari “zor” omen zaio. Hau da, PSUCen bitartez aurrera egiterik ezak eragin omen zuen buruzagi sindikalak politikagintzara pasatu ezina eta, beraz, sindikatua bera ez ahultzea.

                         Energia-eredu partekatu bila

                                    Eztabaida luze bezain sutsua izan zen hitzaldi ostean

“Model energètik compartit”

Energia i sostenibilitat izenpurupeko hitzaldiari dagokionez, berriz, Imazen 45 minutuko aurkezpenaren ondotik ordubete luze iraun zuen bertara bildu ziren berrogeita hamar sindikatu-arduradunen galdetegiak. Jende ikaragarri ondo informatua gero. Eztabaida benetan bizia eta interesgarria. Gutxitan bezalakoa.

Imazek bere ohiko diagnosia egin zuen energiaren iraganaz, orainaz eta geroaz, aurrez aurre omen ditugun erronkez alegia. Eta, hasiera beretik, Bruntland Txostena 1987an finkatutako iraunkortasun-definizioa zehaztu zuen, hots: Desenvolupament sostenible és aquel que satisfà les necesitats del presente sense comprometre les capacitats de les generacions futures per satisfacer les propies.

Hau honela, energia-iraunkortasunak hiru baldintza bete behar omen ditu: 1- Social: Garantìa de subministrament. 2- Econòmica: Competitivitat. Eta 3- Mediambiental: Garantìa a llarg termini.

Lehen eta behingoz baldintza soziala, hau da energiaren hornidura unibertsala izan dadila, denontzat bermatua. Ondoren, energia lehiakorra, merkatuak onar dezakeena baino garestiagoa baldin bada ez baita iraunkortasuna segurtatzerik izango. Eta, atzenen baina ez hutsalen, ingurumen-bermea, epe luzerako iraupena alegia.

Imazen ustez, energiaren erronkei egoki eta zuzen erantzungo bazaie, behar-beharrezko izango da luzarorako eredu bateratua: model energètic compartit. Hau da, eztabaidatzea bezain garrantzitsua dela eztabaidari epeak jartzea; erabakitzea bezain garrantzitsua dela elkarrekin erabakitzea eta, behin erabakiak hartuta, erabakitakoari luzaro samar eutsi ahal izatea.

 

 

Serafin Basauri
Serafin Basauri dio:
2010/06/10 14:34

Horko CCOOkuendako naziñua Katalunia dok, baiña sindikatu bereko beste leku batzuetakuendako Espainia dok naziñua, baitta hemenguendako be. Horrexegaittik jiñuat bereziak dirala.

Katalana, irakurri eta apur bat entenditzeko beste banok, baiña berbetan hasten diranian ez jetset ezer ulertzen, ezebez baiña! Meritua jaukak Josu Jonek diñuan moduan konpontzen bada.

Hi! Lotsatuta be banagok. Edarra sakatu destak! Eibarko euskeran eta hittanuan! Noraezian ibiltzen nok, blogarixokin zer erregistro erabili bihar dodan zalantza batian. Errezoia daukak, hamendik aurrera berbetan jardungo bagiña moduan.

Serafin

Amatiño
Amatiño dio:
2010/06/10 00:38

Nik ez jakixat Kataluniako CCOOkoak abertzaliak diran ala ez. Baina bai buru-burueaz (ez nok hemen izenik aittazen hasiko) egon giñala eta sekula ez dotela horrenbeste "nacional" berbarik entzun. Ez dittuk Kataluniako "nazionalistak", "nazionalak" baino.

Josu Jonek katalanez ikasi juan Europako Parlamentuan egon zan urtietan, Kataluniako nahiz Balearretako politiko abertzalieaz. Ez jakak bape arazorik astiro-astiro katalanez egitteko,eta frantsesez ikaragarri ondo egitten dabenezkero, inoiz hegoaldeko katalanak "iparraldeko" azentua ete daukan esan izan jetsek.

Power pointa berak prestatu juan katalanez, inoren laguntza barik (nik zorionak baino ez najetsazen emon). Sarrera be, bat-batian, katalanez egin juan baina gero, power-pointaren azalpenak gaztelaniaz emon jittuan. Baitta eztabaidan zihar be. Komunikabide katalanetan katalanez galdetu izaten jakok eta berak erderaz erantzun.

Imaz oso Kataluniazale dok eta, aldi berean, Katalunia oso Imaz-zale.

Serafin Basauri
Serafin Basauri dio:
2010/06/09 23:21

Gai oso interesgarria eta diozunez elkarrizketa ere bai. Katalunian dena da berezia, "Comissions Obreres" ere bai; lagun sindikalista bat dut, katalana, sindikatu horretakoa eta ERCkoa, independentista amorratua bera; bereziak, hango "abertzaleak" ere. Josu Jonek katalanez eman al zuen bere hitzaldia eta elkarrizketan ere katalanez mintzatu al zen?

Serafin

ramon
ramon dio:
2010/06/10 23:21

Gurekin konparatuz gogorrak dittuk katalak eurena defendatzen hizkuntzarekin hasita. Nazio mailan alde handiena PSC eta PSE en artean dago. "El seni" behar dogu. Katalanekin ikasitakoa nok eta berezeki miresten ditut, aipatutako zentzu horretan.

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Idatzi zortzi zenbakiak erabiliz
Erantzuna: