Kanpezuko erreka-igerilekua
Kanpezuk badu, ordea, inguru-minguruan, beste hamaikatxo herrik baino aukera-zerrenda handiagoa: mendi-ibilaldi ederrak, eskalada-abaguneak, parke naturala, golf-zelaia, bizikletaz ibiltzeko bide berdeak, arrantzan egiteko aintzira, eta ur-jauzi eta guztiko erreka-igerilekua. Eta, zergatik ez esan, antzinako labean erretako txerrikume aparta dastatzeko jatetxea. Azken bospasei aukerak, Eibartik ordubete ingurura baino ez daude.
Kanpezuko amuarrain-aintzira
Erreka-igerilekuak
Kanpezuko erreka-igerilekua ez da inondik ere berria. Nik ezagutzen ditut, Bergaran, nire sasoiko aiton-amonak, umetan gurasoekin joaten zirenak Kanpezura igeritan egitera, 1940ko zein 1950eko hamarkadetan. Zenbaitek pentsa lezake ze premia ote zegoen haraino joateko, Deba horren hur egonda, baina, orain bezalaxe, orduan ere bazen mendia hondartza baino maiteago zuenik.
Bestalde, Kanpezukoa ez da Euskal Herriko erreka-igerileku bakarra. Araban bertan, Garaio eta Landa urtegietako “hondartzak” gogoan hartzeke, nabarmen ezagunak dira Espejoko instalazioak. Gipuzkoan, nik dakidalarik, Usakoa (Oñati) da erabiliena; Nafarroan hamarren bat badira eta, Iparraldean, Senpereko aintzira behintzat, leku atsegina da, atseginik bada, edozein astegun buruzuritan batez ere.
Ega errekako ur-jauzia, Kanpezun
Inork ez, gero, bururik sartu nahi
Bero? Nork esan du bero?