Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Iñuzente-aurpegia

Amatiño

Iñuzente-aurpegia

Amatiño 2009/01/27 14:50
Euskal gizarteak ekologistatzat du bere burua. Gure ingurumen-sentsibilitatea handi samarra omen da. Edo beste modu batez esanda, hau entzuten diharduzuen guztiok uste duzue, zuek ingurugirozale amorratuak zaretela eta kontra daudenak, berriz, besteak direla. Errua, beti, besteena izaten da.

Nik ez dakit euskaldunok behar bezain ekologistak ote garen, baina sinestuta nago gure salaketen fokoa okerreko lekuan jartzen dugula. Normalean hitzegiten dugu errudunik handienak industrian baleude bezala. Industriari esker bizi gara baina geure kontzientzia txarra uxatzeko edo, industriari leporatzen diogu errua. Halere, besterik uste izan arren, hemen etxeko lanak egin dituen bakarra industria da.

Azken hamar urteotan industriak %12 gutxitu du bere intentsitate energetikoa. Hau da, produkzio berbera lortzeko, industriak %12 murriztu du energia-kontsumoa. Denbora berean, garraioak %21 gehitu du bere intentsitate energetikoa. Hau da, jende eta merkantzia berbera mugitzeko %21 gehiago kontsumitzen dugu.

Industriak fama txarra duen arren, ni industriarekin nago. Zu, ordea, pankarta industriaren kontra jartzen duzunez --eta garraiorik sekula aipatu ez-- garraiozaleen artean zaude nonbait, neurri gabeko energia-kontsumitzaile anonimo eta lotsagarrien artean zaude, beraz.

Bai, bai. Zu, zeu. Ez  gero iñuzente-aurpegi hori jarri.

Goiz kronika. Euskadi Irratia, 2009ko urtarrilaren 27an.

 

Amatiño
Amatiño dio:
2009/01/28 11:16

Energixa-kontsumua danian gehitu dok, industrian, garraioan, zerbitzuetan zein etxebizitzetan. Baina industria dok bere efikazia hobetu dauan bakarra. Gehixago produzitzeko gehixago kontsumitziak ez jaukak meriturik. Helburu mundiala dok intensidade energetikoa gitxitzia (BPG euro bakoitzeko gero eta energixa gitxiago bihar izatia). Zenbaitek esaten jok industrian efikazian helburua ez dala "konpromisu ekologikua", "interes ekonomikua" baino. Baina holan balitzok be, kontua zera dok, errazoi batez edo bestez etxeko lanak egin dittuan bakarra industria dala.

ramon
ramon dio:
2009/01/28 02:15

Ideiaren intentzioarekin bat nator, ala ere gauz pare bat Industriak koefizientia murrizti egin du bainan balore absolutoetan geitu, ze kontsumo gehiago dago (uste horretan nago). Garraioak ere gehitu egin dira bainan industriarekin eginduan moduan datu baliagarria pertsonako referentzia dok. Ba al duk datu hori mesedez?. Mila esker.

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hogei ken bi? (idatzi zenbakiz)
Erantzuna: