Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Imanol oroituz, Imanol kantatuz

Imanol oroituz, Imanol kantatuz

Amatiño 2011/11/29 08:00
Imanolen hirurehun lagun inguruk gainezkatu zuen igande arratsean Donostiako Lugaritz aretoa, Baxenafarroako “Aldundarrak” kantari-andanak eskainitako saioa adi-adi entzuteko, barrenez gozatzeko eta biziki txalotzeko. Bi ordu benetan gogoangarriak.

Arantza Urreta401 Imanol325

 "Imanol Oroituz" taldearen izenean, Arantza Urretabizkaiak aurkeztu eta eskertu zuen "Imanol kantatuz" ekitaldia

Nonbait, Arantza Urretabizkaiak aurkezpenean esan bezala, gazte jendeak ez zituela euskal kantak ezagutzen eta, Aldudeko elkarteak 1995ean ekin zion hainbat abeslariren kantutegiak biltzeari. Geroztik, urtez urte, Manex Pagola, Etxamendi Larralde, Michel Labéguèrie, Xalbador, Xabier Lete eta Paul Berzaitz kantarien lanak gogoan izan dituzte eta oraingoan, berriz, Imanol Larzabalen oroitzapenetan.

Besteak beste, Mikel Arregi, Koldo Izagirre, Txato Agirre, Mikel Azurmendi, Patziku Perurena, Joseba Sarrionaindia, Xabier Lete, Amuriza, Juan Mari Lekuona eta Imanolen beraren bertsoak eta olerkiak, Aldude, Urepele, Banka, Baigorri, Iholdi, Arrosa, Anhauze, Senpere, Ziburu eta beste hainbat herritako neska-mutilak kantari. Lantzean behin baino ematen ez den egiazko ikuskizun xume bezain hunkigarri horietakoa.

Iparraldekoei ez zaie oraindik ongi kantatzerik ahaztu eta baxenafarren jarioa nagusi gero euskaraz oneski mintzatzen. Guztia Imanolen gorazarrez, esker onez eta zor-ordainez.

 Mutikoak

Gizonezko taldea, Bixente Bidegain, Patxi Errotabehere, Pantxo Etcheverria, Betti Olçomendi, Gérard Oçafrain, Panpi Haristoy eta Tote Goyenetche tarteko.

Neskak

Kanboko San Mixel ikastetxeko neskak: Audrey Lamothe, Iona Milhes, Thibault Grison, Oihana Duguine, Laurie Ospital eta Maitena Etcheverria

Thierry Biscarry

"Lau haizetara". Aitzinean Thierry Biscarry eta taldekide guztiak gibelean

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hiru ken lau (idatzi zenbakiz) ?
Erantzuna:
Aurkezpena

Amatiño

Luis Aranberri Mendizabal