Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Imanol: hamar urte eta gehiago

Imanol: hamar urte eta gehiago

Amatiño 2014/11/09 20:25
Iluntze hunkigarria izan zen atzokoa, gogoetarako egokia, nork bere baitan hausnarrean egiteko aproposa edo, Xabier Letek Imanol lagunari egindako agurrean esan bezala, “agian barkamena eskatzeko, hainbestetan bakarrik utzi zintugulako, zu joana baitzinen bizidunen ankerkeriek zer esanik ez duten eremu itzaltsuetara”.
 Imanol: hamar urte eta gehiago

Ausentzia

Donostiako Lugaritz aretoa lar txiki suertatu zen, atzo, Imanol Larzabalen “hamar urteko ausentzia” oroitarazteko.

Ainara Ortega, Arantza Irazusta, Niko Etxart eta Amaia Zubiria kantariek eta Andoni Egaña zein Xabier Euzkitze bertsolariek Imanol zenaren kantak eta ipi-apak gogorarazi zituzten, Karlos Gimenez, Pascal Gaigne eta Mikel Andueza musikarien laguntzaz. Aurkezle, berriz, Arantxa Urretabizkaia.

Hamar urte bai, Imanol hil zela, baina, tamalez, hamar baino nabarmen gehiago nolabait galdu genuela, hainbaten gizagabetasunaz, makina baten zabarkeriaz eta gehienon ardurarik ezaz.

Berak bere buruari kantatu bezala, Imanolen euskaltasunak ez zuen, behar bada, txapel berezirik behar izan, baina bai, ordea, mea-culpa larririk, euren euskaltasuna ur bedeinkatutzat duten hainbatek.

Elkarri barkamena eskatu beharreko abagune honetan, segurutik ere Imanoli barkamen-eskaria adierazteko ordua dateke "hainbestetan bakarrik utzi zintugulako".

Amaia Zupiria

Karlos Gimenez, Pascal Gaigne, Amaia Zubiria eta Mikel Andueza

Denak

Zutik, Ainara Ortega, Arantza Irazusta, Arantxa Urretabizkaia, Andoni Egaña, Amaia Zubiria, Xabier Euzkitze eta Niko Etxart

jaime
jaime dio:
2014/11/10 15:55
Ez dira ahazteko Imanol aurkako Ezker Abertzaleko gazte mukizuen irainak; Euskal Herria “askatzeko” haien balentrien zerrendan: kutxazain automatiko edota zakarrontzien erreketak salbu, bizpahiru berraragiztatze beharrean izango lirateke Imanol Lartzabalekin parekatzeko.
Oraindik, Imanolen ahotsaren goxotasunak oihartzun triste eta malenkoniatsuak sortzen ditu gutariko askorengan.
Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Idatzi zortzi zenbakiak erabiliz
Erantzuna:
Aurkezpena

Amatiño

Luis Aranberri Mendizabal