Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Garapen iraungarriaren hiru baldintzak

Garapen iraungarriaren hiru baldintzak

Amatiño 2009/11/14 13:59
Garapen iraungarria da hitzetik hortzera aipatu ohi den aldarria. Baina, zertaz ari gara? Zein da garapen iraungarriaren definizioa? Bruntland Txostenak* dioenez “Garapen iraungarria da gaur egungo beharrizanak asetzen dituena, hurrengo belaunaldiek euren beharrizanak asetzeko gaitasuna zalantzan jartzeke”. Eta helburu honek eskatzen du iraungarritasuna lortu beharra gizarteaz, ekonomiaz eta ingurumenaz.

Gizarte-iraungarritasunak esangura du giza-garapenak energia behar duela. Edota, beste modu batez esanda, lehen eta behingoz energia-zerbitzua bermatu egin behar dela. Berme hau ez dago auzitan mendebaldeko gizartea garatuetan. Gure seme-alabek nekez sumatu dezakete argindarrik gabeko bizimodurik baina, oraindik ere, 1.600 milioi pertsona argirik gabe bizi dira munduan. Lautik batek ez du argindarrik sukaldean. Eta Nazioarteko Energia Agentziaren arabera Afrikan, esaterako, %24k besterik ez du argindarrik inguruan.

Iraungarritasunaren bigarren helburua ekonomikoa da. Hau da, energia bai baina lehiakorra. Ez edozein preziotan. Energia ez baldin bada lehiakorra, sektore ekonomikoak ez dira lehiakorrak izango. Eta honek berebiziko garrantzia du euskal gizartean, non industriak –geure ongizatearen oinarria— energia asko eskatzen duen. Energia ez bada lehiakorra, gure industriaren produktuak ez dira izango, enpresek ezin izango dute merkatu-lehian jarraitu, lanpostuak arriskutan jarriko dira eta, ondorioz, gure ongizate-sistema guztia kinka larrian.

Eta hirugarren helburua, berriz, ingurumenari dagokiona. Hau da, energia seguruaz eta lehiakorraz egituratu ahal dugun gizarte-eredua ondorengo belaunaldietan ere irauteko modukoa izan dadila. Alegia, gure gaur egungo beharrizanak asetzen dituen garapen-ereduak ez ditzala hurrengo belaunaldien beharrizanak asetzeko gaitasunik zalantzan jarri.  

*Bruntland Txostena

 

Percentage of population with access to electricity. Sub-Saharan Africa has the lowest level of access to electricity in the world.  International Energy Agency, 2004

Argi-banaketaren berdintasunik eza nabarmena da gauez

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hiru ken lau (idatzi zenbakiz) ?
Erantzuna: