Garai urdinak

Argi urdinaren uhin-luzera gorriarena baino 1,5 bider murritzagoa denez, haren sakabanaketa agirikoagoa da. Urrutiago dauden objektuak urdinagoak iruditzen zaizkigu. Fenomenoa adierazteko formula zehatzik ere bada. Horra:

Hurruntasun hori neguan gertatuz gero, egunabarrean zein ilunabarrean, eguzki motelaren errainu gorririk ezean, ikuspegia erabat urdintzen da, benetan planeta urdinean biziko bagina bezala.

Hona, Gabon eguneko goizaldean, Ondarroako Urzelai muino ingurutik hartutako argazkia (bat baino ez da), mendebaldetik ekialdera. Bizkaiko mugatik, Lapurdi eta Nafarroako mugetaraino. 

Ezkerretik eskuinera, Higer itsasmuturretik Sakoneta ingururaino. Barrenean, Larrun eta Aiako Harria.  Eskuin ertzean, itsasbazterrean, Zumaiako flysha eta Getariako Arratoia.

Eskuinetik hasita, Oriotik Igeldorainoko Mendizorrotz lerroa. Eta, ezkerraldeko amaieran, Igeldoko olgeta-parkeko dorrea.

Barrenean, erraldoi asko,  Larrun. Magalean-edo, Igeldo. Eta, ezkerraldean, Urgull. Bien artean, Kontxarako sarrera. Besterik iruditu arren, argazkia lehorretik (Ondarroatik) aterata dago, hau da, "iparralderagotik".