Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Kresala eta Garoa, bertatik bertara

Kresala eta Garoa, bertatik bertara

Amatiño 2020/05/10 22:10
Debatik Zumaiara bitarteko flyscharen inguru-minguruan, ni gehien harritzen nauena zera da: itsasoa zein itsaso den, berrehun metro eskasera lehorra gogotik lehorra den artean. Kresala eta Garoa, bertatik bertara
Kresala eta Garoa, bertatik bertara

Ehun milioi urte zutik dirauten geruzak

Segurutik Sakonetatik Itzurungo hondartzarainoko flysha, Zumaian, Debako Aitzuritik Sorginetxeko muturrerainokoa baino ezagunagoa da, baina nik, aukeran, politagotzat dut mendabaldetik ekialderako ikuspegia, alderantzizkoa baino, udako ilunabarretan-edo izan ezik... eguzkia lotara joaten denean.

Irulearen Behatokitik zein Itziarko Amaren Bistatik Igeldo-gainerainoko (Mendizorrotz) panorama, nekez hobetu daitekeen ikuspegirik ederrenetakoa da. Eta bertan dago, gero. Debatik ordu laurdenen bat oinez, edo bost minutu urri autoz.

Aurreko larunbatean, sekulako eguraldi aparta eta itsasbehera --benetan behera--, ura gardena zen inoiz garden izatekotan, eta kolorea, berriz, itsaslabarra bezain zaharra, latina Euskal Herrira heldu baino lehenagokoa, behintzat, ez baitzegoen berdea ala urdina ote zen bereizterik ere.

Dena dela, ingurumari honetan ni gehien harritzen nauena zera da: itsasoa zein itsaso den, berrehun metro eskasera lehorra gogotik lehorra den artean. Kresala eta Garoa, bertatik bertara.

Flyscha Debatik Jaizkibeleraino        Eskuinetik ekinda, Aitzuriko bi begiak (15x20 m. bakoitza). Erdialdean, Sakonetako hareatza. Haratago, Zumaiako itsaslabar zuria. Eta, ezkerraldeko barren-barrenean, Mendizorrotz

Urdinberdea 700

      Ur gardena, gardenik bada, marearteko zabalgunean. Irulearen Behatoki ondoko errepidetik hartutako argazkia

Santa Katalina         Irulearen Behatoki gaineko muinoan, berriz, baserri-giroan, Santa Katalina. Lehen agiriak XVI. mendekoak diren arren, Santiagorako bidea omen. Ezkerraldean, olatuak begi-bistan.

Zaldiak

Santa Katalinatik hurbil, udaberria heldu zaio zaldi-familia honi. Baita, barrena, hiru moxal ere

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hiru ken lau (idatzi zenbakiz) ?
Erantzuna:
Aurkezpena

Amatiño

Luis Aranberri Mendizabal