Flysch gizartekotua

Nahiz Alkolea-barrena betidanik izan leku aproposa urpeko arrantzan, izkiratan edo nobiotan aritzeko, Debatik Mutrikura bitarteko flyscha ezkutu samarrean egon izan da oraintsu arte, Alkoleatik Ondarbeltzeraino, edo alderantziz, inor gutxik egiten zuen-eta joan-etorria oinez. Baina,  bidegorria ireki dutenetik hona, ezinbesteko pasealeku bihurtu da eta, ondorioz, sekulako aukera-maukera zabaldu, bertatik bertara, uholdeka, ibiltzeko. Bertaratzen diren lagunei (mutrikuarrak gehiago omen, debarrak baino) entzun besterik ez dago konturatzeko, beti “hor” egon den hori demaseko aurkikuntza izan dela makina batentzat.

Mutriku aldea beste baterako lagata, Alkoleatik Ondarbeltzerainoko pasealeku berriak flysch gizartekotu bat erakarri digu eta, gehienetan autotik jaitsi gabe pasatu izan dugun bidearen inguruak,  hainbat abagune eskaintzen digula erakutsi.

Orain Debatik Ondarbeltzerainokoa baino ez da falta. Baina, behar bada, inoiz ez da Ondarbeltz orain bezain urrun egon Debatik. Ez bidegorririk, ez espaloi ziztrinik ere. Eta Debak ezin ezer egin... Debarren ustez, Mutrikuk Oihenarten txakurrarenak egiten omen du: "Horak, ez berak zahia jan, ez oiloei utzi".

Alkoleatik Igeldorainoko ikuspegia

Alkoleako hondartza

Surfean egiteko aukera, bertan

Eta paddelez

Eta uretako motorretan

Debako eta Mutrikuko udalerriak banatzen dituen bokalea

Mutrikuko Ondarbeltz hareatza. Uraz handi, Debakoa