Euskal gaien gaineko nazioarteko aditu-sarea
Laugarrena eta azkena (oraingoz) izan da, aurreko ostiralean Irungo Ficoban antolatutako nazioarteko biltzarra: “Euskaldunak XVI. mendetik XXI. mende hasiera arte”.
Aurrekoetan aztertu ziren lehenagoko garaiak: Paleolitoa, Mesolitotik Burdina Arora, eta Erromatarren aurreko baskoien garaitik Nafarroako Erresuma galdu arte. Oraingo honetan, berriz, giza-arrastoa Bizkaiko golkotik Ternura bidean, historiaz, arkeologiaz, etnografiaz, soziologiaz eta hizkuntzaz.
Benetan sekulakoa da, Atlantikoaren bi ibarretan euskal aztarrenez diharduten hemezortzi inguru ikertzaile aurrez aurre biltzea. Batere zalantzarik gabe zeharo garrantzitsua da zertan ari diren ezagutzea eta ikerketon berri euren ahotik jakitea. Baina, behar bada, aurrera begira, are garrantzitsuagoa inoiz aurretik elkarrekin bildu ez diren adituak estreinako batzea eta, euron artean, nazioarteko “euskal” sarea eragitea.
Xabier Otero, Jauzarrea elkartearen eragilerik nagusiena
Stephen Augustine, Mi'kmaq Kontseilu Nagusiaren buruzagia
Nazioarteko mahaikada, amaierako galde-erantzunetan zehar