Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Mikrofonoak zer edo zertarako balio du

Mikrofonoak zer edo zertarako balio du

Amatiño 2011/05/15 17:05
Mitina genero heldu samarra denik ezin uka. Egun ezagutzen dugun eran ez bada ere, egungo zentzu berean behintzat XIX. mende hondarrekoa edo. Bozgorailua eta datxekion mikrofonoa baina lehenagokoa. Lehen mitinetan ez zen mikrofonorik eta, jakina, ahots zoliaren jabe izateaz gainera orroa egitea beti ere komenigarri, seguru-segurutik.

Bozgorailua asmatu (1876) eta gizarteratu (1920) zenetik hona, ez da aldaketarik falta izan baina, oraindik ere, zenbait hautagaik jarraitzen du mitinetan hitzegiten mikrofonorik ez balu bezala.

Beharrezko ez izan arren, ulertzekoa zen telebista nagusitu  aurreko mitin klasikoen garaietan oihu egitea edo oihu egin beharra uste izatea, gizalegezkoak dira-eta teknologiaz lar ez fidatzea zein urruti sumatzen diren entzuleen aurrean ahotsa ozentzeko tentazioa.

Kontua da, ordea, mitinik gehienak ez direla gaur egun plaza zabaletan edo pilotalekutzarretan egiten, telebistarako apropos atondutako esparru edo barruti txikerretan baino, eta harrigarri gertatzen da gero aurrean hainbat dozena lagun baino ez dituen hizlaria orroaz ikustea, zer esanik ez etxeko besaulkian dagoen ikusentzulearen begirakunetik.

 Mitina mikrofonoa

Jose Antonio Agirre lehendakaria Lizarrako zezen-plazan, 1931an. Itxuraz behintzat orroaz, laguntzaileak mikrofono galanta eusten dion bitartean.

oier g
oier g dio:
2011/05/16 01:08

Gogoeta politta: zer egitten daben gero inertzixiak.

Telefonuakin antzerako gauzia gertatzen da: pertsona batzu, zenbat eta solaskidia urriñago, orduan eta altuago berba.

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hiru ken lau (idatzi zenbakiz) ?
Erantzuna:
Aurkezpena

Amatiño

Luis Aranberri Mendizabal