Etorkizuna elektrikoa omen
Hala ere, hau guztia adierazgarria izan arren, ez da inondik ere garrantzitsuena. Azpimarragarriena horren nabarmen ikusten ez dena da: estrategia, softwarea, programa, tripak alegia.
Urtebete luze daramate hainbat euskal enpresak (Ingeteam, ZiV, Euskaltel, Tecuni, Elecnor, Eroski eta Thales, tarteko) elkarrekin lanean, Europan behintzat batere erreferentziarik ez duen kontrol-sistema burutzen eta lantzen. Oraingo honetan erronka ez da merkatuan dagoen zerbait hobetzea, inon ezaguna ez dena asmatzea baino.
Erabat garrantzitsua da honelako egitasmoa estreinako abian jartzeko herri-erakundeen babesa eta ezinbestekoa, berriz, Repsol bezalako nazioarteko konpainiaren sustapena, muga hurbilen gainetik munduan zehar barreiatzeko.
Egia esan, merkatua izugarri txikia da oraindik. Esaterako, iazkoan 70 ibilgailu elektriko baino ez dira erosi Euskal Autonomia Erkidego osoan: 6 moto, 9 furgoneta eta 55 beribil. Eta horietarik %74 Ibil-en bezeroak dira.
Hala ere, etorkizuna elektrikoa omen da. Omen.
Argazkian, kalean jartzen diren kargagailu guztiak kontrolatzen dituen “anaia” nagusia. Honek jasotzen ditu tokian tokiko karga-eskariak, bezeroa ezagutarazi, baimena eman, karga ahalbideratu, faktura luzatu eta bankuaren bitartez kobratu. Karga egiteko ordua ere aurrez erreserbatu ahal izango da telefonoz. Kontu izan, argindar-kargak zer ikusi gutxi izango duela aurrerantzean orain arteko ezantza-kargarekin. Oraindik behintzat, auto-mota bakoitzaren arabera, kargarik laburrenak hamabost minutu behar izango baititu eta luzeenak, ostera. sei ordu inguru.
Emiliano Lopez Atxurra, Ibil-en lehendakaria, eta Josu Jon Imaz, Repsol-Energia Berriak arloaren zuzendari exekutiboa, egitasmoaren jostuna