Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Eta orain, zer?

Eta orain, zer?

Amatiño 2020/04/23 22:05
Zortzirehun lagun inguru bildu ginen atzo, Daniel Innerarityk, Juanjo Álvarezek eta Cristina Mongek eskainitako elkarrizketa online jarraitzeko. “Eta orain, zer?” zikloaren lehen ekitaldia, pandemiak nola harrapatu gaituen aztertzeko eta gizarte-eredu berria elkarrekin hausnartzeko.

Ahaltsuak, autonomoak eta jakitunak ginelakoan, bat-batean eta ustekabean harrapatu gaitu pandemiak;  eta, ziztu bizian, nabarmen ahulak, lar menpekoak eta zeharo ezjakinak  baino ez garela frogatu digu.

Osasun-larrialdi honek erakar ditzakeen ondorioak miatzen eta eztabaidatzen laguntzeko eta, ahal den neurrian, etorkizuna elkar-lanean birpentsatu ahal izateko, Kutxa Fundazioak eta Gobernance institutuak “Eta orain, zer?” deritzon zazpi jardunaldiko zikloa burutu dute.

Atzokoan, “El mundo después del coronavirus” delakoan, Daniel Innerarity, Juanjo Álvarez eta Cristina Monge mintzatu ziren ia ordu eta erdiz. Benetan gai-zerrenda ikaragarri luze eta interesgarria jarri zuten mahai gainean; lan-tresnak eta norabideak, berriz, ez hainbeste;  eta, erabateko soluzioak, aldiz, nabarmen urriago: “elkar-lanaren logika vs elkar-lehiaren logika” (Innerarity), “globalizazioa berrasmatu behar dugu” (Monge) edo “ez da etorkizunik izango pertsonarik eta erakunderik gabe” (Álvarez). Amaitu aurretik ikus-entzuleen galdera-erantzunen txanda, Ander Errasti aurkezlearen eskutik.

Hurrengo asteazkeneko gaia zera izango da: “El papel del conocimiento experto”. Juan Ignacio Pérez Iglesias eta Gemma Marfany aurrez aurre, Txetxu Ausin bitarteko.

Bertara biltzeko, hemen. Merezi du.

Monge, Innerarity, Alvarez
Cristina Monge, Ander Errasti. Daniel Innerarity eta Juanjo Álvarez

 

 

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Idatzi zortzi zenbakiak erabiliz
Erantzuna:
Aurkezpena

Amatiño

Luis Aranberri Mendizabal