Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / ETA armagabetu? Hobe luke behingoz desegin

ETA armagabetu? Hobe luke behingoz desegin

Amatiño 2017/02/21 00:05
Armagabetze-kontuak direla eta ez direla, hor ari dira eztabaidan Eusko Jaurlaritza eta ETAren ordezkariak. ETAk betidanik dena berandu egin izan du eta, oraingoan ere, ildo beretik egingo du, ohiko erritmoan alegia: berandu eta txarto. Martxa honetan, argi ez badabil, 100 milioi euro besteko zorrari aurre egiten amaitu beharko du.

Kaleratu berri diren azken datuen arabera, 110 milioi euro inguru bildu omen zituen ETAk, lau hamarkadan zehar egindako bahiketez eta iraultza-zergez. Gutxiago balitz ere, nago ez ote litzatekeen zentzuzkoa izango hainbat urte luzez mehatxuz bildutako dirua  itzultzea, euskal gizartearen zorioneko bizikidetzaren eta normaltasunaren izenean.

Behar bada eskakizun honek ez luke aurrerabiderik izango ETAk bere burua desegingo balu baina, zer gerta ere, indarrean jarraitzen duenez gero (eta antolakuntza gisa desegiteko gogo gutxi, nonbait), esan gabe doa oraingo arduradunek aurrekoen erantzukizunaren ardura izaten jarraitzen dutela, onerako (?) zein txarrerako.

Zalantza gutxi gero, mehatxupean bildutako diruaz osatu ahal izan zituela ETAk bere hainbat urtetako aurrekontuak. Segurutik, ondo dago gaizki eginak aitortzea eta, behar bada, baita barka eskatzea ere. Baina mehatxupean --legez kanpo eta era arbitrarioaz— bildutakoa non dago? Gordeta? Xahutua? Eta erabat xahutua balego ere, ahitutzat eman behar al dira erantzukizunak?

Bada gehiago. Agian, erantzulerik zuzenenak ETAkideak dira; baina, zer esan iraultza-zergaren bilketa-lanetan parte hartu zuten laguntzaile guztien erantzukizunaz?

Eta, aldi berean, zer esan bahiketak eta iraultza-zergak  gerarazteko besteko agintea izan arren, gerarazi nahi izan ez zuten buruzagiez? Kasu honetan ez al dago ezartzerik honelakoetan gogoan izan ohi den “colaboradores necesarios” delako kontzeptua?

Nik, behintzat, ETArekin zer ikusirik banu, albait bizkorren antolakuntza desegingo nuke, inork zorrak ordaintzeko eskatzen hasi aurretik.

Jaime Arrese
Jaime Arrese dio:
2017/03/08 10:58
Egunon Amatiño, extorsioari buruz Deustoko Unibertsitatearen babesean eginiko ikerketa horrek iceberg-aren punta bakarrik erakusten du. Punta izanda ere guztiz esanguratsua eta beharrezkoa, esango nuke nik. Ikerketa horretan parte hartu dutenen artean Galo Bilbao eta Xabier Etxeberria egonik konfidantza eta lasaitasunez hartu beharreko azterketa deritzot. Bi gizon hauek pelikuletako CSIen antzera nozitu dugun indarkeriak gure gizarteari ezarri dizkion dilema etiko eta etxeko lanak oso modu zehatz eta hotzberoan aztertzen dituzte. Famili onenetan bezela ikerketa hau egiteko martxan ipini zen jatorrizko taldea desegin egin da. Liskarrak izan dira eta Florencio Dominguez eta Jose María Ruiz Soroa, besteak beste, alboan gelditu dira. Hauen eritziz abertzaletasunak (PNV-k) extorsiaoren iraupenean izan duen erantzukizuna ez da behar bezela aztertu eta hori gabe ikerkerta hankamotz gelditzen da. Tira..egin duzun komentarioari ez nioke ezer erantsiko. Hori bai, galdera nagusia hor darrai erantzunik gabe. Non arraio dago dirua? Noiz itzuliko duzue?
Zaindu!!
Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hogei ken bi? (idatzi zenbakiz)
Erantzuna:
Aurkezpena

Amatiño

Luis Aranberri Mendizabal