Eskarganzuloko ur-jauziak

Andoinen zehar, Arakil ibairaino, Eskarganzuloko errekan barrena maldan behera doazen ur-jauziek osatzen dute Toberia. Andoin, Asparrena udalerriaren hamar auzoetako bat da, eta tobak, berriz, karbonatozko kareharriak-edo, urarekin batera ezohiko fenomeno naturala eragiten dutenak. Araban, ezagunenetakoak, Entzia mendilerro barrenetik, Legaire-hegalpetik, irtetzen den ur-emariak sortarazten dituen jauziak.

Andoindik ur-jauzietaraino kilometro eta erdi eskas baino ez dago, baina behin bertaraino helduz gero, jarraitzeak merezi du eta Legaire gainera igo, nolabaiteko kaltzada erromatarrean zehar. Zelaitzar handiak, aztarren megalitiko ugari eta, batez ere, bake santua nagusi.

Eibartik Andoingo plazatxora ordubete inguru autoz eta Legairerainoko joan-etorria, lasai samar, argazkiak atera, ura edan, txiza egin eta beste… hiru ordu eta erdiren bat, oinez.

Eskuineko argazkian, Legaire-gaineko bidegurutzea.

Toberiako ur-jauziak. Japoniar jardina ematen dute, baina baso arabarrak dira

Kaltzada erromatarra-edo, iturria eta uraska

Harrespil megalitikoak Legairen. Bi aztarrenen artean, erdian, barrenean, beste hainbat.