Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Errealitatetik fantasiara

Errealitatetik fantasiara

Amatiño 2012/06/03 00:35
“The medium is the message”. 1970eko hamarkadan albisteak eman ohi genituen liburuetan eta eleberri-atalak aldizkarietan argitaratu. Berrogei urte geroago, ez dakit ba nik liburua aproposena ote den inoren eguneroko gogoetak azaltzeko, edo errenkadan irakurtzeko gogorik eta astirik ote dugun... Linazasorok zinera joateko denborarik ez duen arrazoi berberagatik.

Apenas (Karlos Linazaroso, 2012) “errealitatetik fikzioa sortzen duen egunkaria poetikoa” omen da eta egileak ahalik eta azkarren argitu behar izan du bere azken emaitza hau, ohikoa ez izan arren,  ez dela “bigarren mailako”. Beharrezko ñabardura, nonbait, gurean askotxo baitira fikzioa lehen mailakotzat jotzen dutenak eta fikziorik eza, aldiz, erdipurdikoa.

Errealitatetik abiatu, irudimenari ekin eta aldez aurretiko bahe estu-mesturik gabe fantasiari amain emandako  lehen “saiakera” maisuki gainditu du Linazasorok, umore ugariz,  gogoeta larriz eta surrealismo-aldarriz. Bai, segurutik idazleak eroso asko gaindu du etsamina. Ez dakit, ordea, irakurle arruntok horren samur egingo ote dugun. Jaio ginen, bizi gara, ez dugu ezer eskatzen,

Eraz,  nago hainbat pasarte ez ote zaizkion makinatxo bat irakurleri ilun samar gertatuko; eta, moldez, beldur naiz data-multzorik gehiena ez ote dagoen sobera. Garden bide dago zein erritmotan  burutu dituen egileak sei hilabetean zehar bere eguneroko hausnarrak. Apenas dago  garbi, ordea, zein trantzetan irakurri beharko ote dituen irakurleak.

Ni egunkari-zuzendari banintz gaur bertan egingo nioke Karlosi egunero horrelako gogoetak idazteko proposamena. Baita, ahal baneza, inoiz hutsik gabe egunero irakurri ere. Benetan uste dut edozein egunkariri balio erantsia eskaini liezaiokeen “artefakto” baliotsuaren aurrean gaudela. Hala ere, aldi berean susmoa dut, ordea, ez dudala liburua osoa sekula irakurriko, komuneko arasaren batean edo uzten ez baldin badut behintzat.

The medium is the message.  1970eko hamarkadan albisteak eman ohi genituen liburuetan eta eleberri-atalak aldizkarietan argitaratu. Berrogei urte geroago, ez dakit ba nik liburua aproposena ote den inoren eguneroko gogoetak azaltzeko edo errenkadan irakurtzeko  gogorik eta astirik ote dugun, Linazasorok zinera joateko denborarik ez duen arrazoi berberagatik.

Zein arrazoi azaldu beharra al dago?

 Linazasoro Karlos

       Karlos Linazasoro

                                                               

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hiru ken lau (idatzi zenbakiz) ?
Erantzuna: