Energia-komunikazioa emakumeen eskutan
Energiak sekulako protagonismoa bereganatu du azken bolada honetan, prezioen garestitzeaz, espainiar merkatuaren menpekotasunaz, nazioarteko egonkortasunik ezaz eta hau guztia hitz gutxi eta xumetan azaldu ezinaz. Energiaren kudeaketa ez da gero erraza, ezta energia-komunikazioarena ere.
Baina ihardunaldien zertzeladak eta nondik norakoak beste egun baterako utziz, aipagarri gero emakumeen partaidetza. Espainiako energia-enpresen berrogeita bost komunikazio-arduradun bildu dituen mintegi honetan, hogeita hamahiru emakumeak dira. Alegia %74 emakumeak eta %26 gizonezkoak. Nabarmen beraz emakumeen nagusitasuna.
Irakasle, aztertzaile eta txostengileei dagokienez, berriz, egoera guztiz alderantzizkoa da. Bi egunetan zehar mahaiburuan eseri diren hamazortzi hizlarien artean, hamasei gizonezko eta lau emakume. Hau da, %78 eta %22 hurrenez hurren.
Horretara, belaunaldi-aldaketa ageri-agerikoa. Behar bada “guruak” gizonezkoak dira --oraindik-- baina eguneroko komunikazio-kudeaketa emakumeen eskutan dago.
