Emakumeak ez dira ereslari
Teresa Catalán
Emakumeak ez dira nonbait musika-konposiziorik burutzearen aldekoak. Ez dut nik esaten. Teresa Catalán iruindarrak esan du, Radio Euskadin aitortu du, penaz eta lotsaz, baina aitortu.
Euskadiko Orkestra Sinfonikoa apirilaren lehen hamabostaldian aurkeztu du, estreinako, Teresa Catalán ereslariaren “Printzesaren Dantza”. Hitzaurre gisa, Amaia Zubiria kantariak egin zituen sarrera-lanak.
Teresa Catalán ez da edonor musikagintzan. Bere erestiak edozenbat herrialdetan aurkeztu izan dira, Alemania, Argentina, Errusia, Espainia, Estatu Batuak, Holanda, Hungaria, Italia, Kuba eta Errumania tarteko. Konposizio eta Instrumentazio Katedradun emakume bakarra dugu Espainian eta hiru hamarkada daramatza musika-konposizioa irakasten.
Eta Radio Euskadin penaz eta lotsaz aitortu duenez: “Tamalez esan behar dut, denbora honetan guztian nire ikasleen %5 baino ez direla emakumeak izan”.
Zergatik ote?