Côte d'Azur, eguzkiaz gainera

Lehenengo andanan aipagarri, besteak beste, Picasso, Matisse, Chagall, Renoir, Ephrussi de Rothschild eta Maeght Fundazioaren museo aproposak non, gure Chillidarenak tarteko, Giacomettiren nahiz Tapiesen eta Miróren lanak ikusi ahal diren.

Bigarren andanan, berriz, Mougins, Saint Paul de Vence edo Eze bezalako herrixkak, oraindik orain XV. zein XVI. mendeetako hirigintzaren lekukotzat tinko dirautenak.

Eguzki-turistaren begiak etxean lagata –zer esanik ez neguan joanez gero—, bistan da artista-topaleku izan zela Proventzako itsasbazterra XIX. mendetik XX.ra bitarteko zubigintzan. Baita emakumeen emantzipazioaren isla ere, Misia Godebska --"Parisko Erregina"-- eta Suzy Solidor kasu.

Eta, hau guztia gutxi bailitzan, ezin gero ahaztu, antzinako Liguriatik Rodano haranera (Arles, Nimes etab.), Proventza guztia ezinbesteko ibia izan zela hainbat mende luzetan, Erromatik Galiara bidean. Europar zibilizazioaren ardatzetakoa, besteak beste.

Garai haietako adierazgarri nabarmena da Augustoren  AlpeetakoTrofeo garaua. Benetako “tropeaum” bi besterik ez omen daude munduan. Errumanian dagoena, bat, eta Monako (Monoikos) gain-gaineko beste hau, bi. Erromatarren inperioak Alpeetako 45 herri edo nazio garaitu eta azpiratu izana ospatzeko, garaikur erraldoi gisa eraikia, duela 2.000 urte luze.

.....

Misia Sert                                                                   Suzy Solidor