Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Bittor Haundiren eskopeta

Bittor Haundiren eskopeta

Amatiño 2013/04/01 22:30
Eibarren esango genukeen moduan, Google “danari emonda dabil”, baina nik behintzat sekula ez nuen uste izango Bittor Haundiren tailerrean egindako eskopetarik inoiz erosi ahal izango nukeenik Internetez.

Semeak whatsappez galdezka: Zein zan Victor Aramberri?

Aita: Bittor Haundi, zure aitxitxaren osaba

S: Googlen bere eskopeta bat dago salgai.

A: Zenbatean?

S: 200 €

A: Erosi, nik ordainduko detsut.

Googleri jaramonik egingo badiogu, escopeta Rolling Block española, fabricada en Eibar hacia 1868, por Víctor Aramberri. Beherago, variante inventada por Víctor Aramberri. Sobre el cañón lleva grabada la marca. Eta ezartzen du, informazio gisa: Víctor Aramberri (1820-1872) fue uno de los más importantes fabricantes de escopetas de Eibar en el siglo XIX. En los últimos años creó la marca Hércules.

Armaginak erabat ugaldu ziren Debabarrenan XIX. mendean zehar. Eibar izango da bete-beteko “villa armera” eta, Elgoibarko, Elgetako, Markinako eta inguruko edozenbat baserritar izan ziren armak egiteari Eibarren ekin ziotenak, Elgoibarko Andikao baserrian jaiotako Víctor “Bittor Haundi” eta Domingo “Bittor Txiki” Aranberrineko anaiak tarteko.

Zaharrena izan zen zalantzarik gabe ezagunena, baina gaztea ere eskopetagiletzat agertzen da 1895eko armaginen Eibarko erroldan. Ondotik, beronen ildotik, senitarteko asko izango dira armagintzan, grabatugintzan edo esportazio-arloan arituko direnak. Gregorio, Gumer (Gumersindo), Krexen (Crescencio) eta Julian nire osabak armaginak izan ziren, besteak beste.

Semeak galdetu dio saltzaileari nolatan zeukan horrelako eskopetarik etxean eta saltzaileak erantzun, berriz, bere aita zenak mordoxkada handia erosi omen zuela Madrilgo “Rastroan”, duela urte asko.

Zer nahi delarik, hona non, mende bat eta erdiren bueltan, zorioneko eskopeta, berriro ere, etxeratu den.

Eskopeta luzea

Eskopeta izena

Eskopeta txispa

Eskopeta txispa irekia

oier g
oier g dio:
2013/04/02 00:04
Zorionak! Zelako aurkikuntza politta gero, eta zelako modu arraro eta pozgarrixan.
Anonimoak dio:
2013/04/02 23:17
Historixa politta! 150 urteren bueltan, berriz etxian, orduan?! Txori txikittan hasi biharko dozue Itziar inguruan ;-)
Amatiño
Amatiño dio:
2013/04/03 16:29
Nik ez juat sekula txori txikittan jardun, ezta inoiz tiro bakar bat be bota. Horretara, ez jakixat askorik. Baina ez juat uste Bittor Haundiren eskopeta-mota txori txikittarako danik. Behar bada... haunditarako aproposagoa.
Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hiru ken lau (idatzi zenbakiz) ?
Erantzuna:
Aurkezpena

Amatiño

Luis Aranberri Mendizabal