Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Berrogei urte eta orain hau!

Berrogei urte eta orain hau!

Amatiño 2012/11/12 11:15
Demokrazia indarrean jarri ondoko lehen udal-hauteskundeetan (1979) EAJk irabazi zuen, Eibarren, Alderdi Sozialistaren aurretik. Biharamunean elkarrekin topo egin genuen Benigno Baskaranek eta biok Gipuzkoako Aurrezki Kutxaren leihatila aurreko ilaran. Zer edo zer esate aldera, esan nion: “ze moduz, Benigno?” Eta berak erantzun, bekozko ilunez: “berrogei urte ta oiñ hau!”. Ezker abertzaleari ere horrelako zerbait esan beharko: “berrogei urte eta orain hau!”.

Horra non, berrogei urteren bueltan, Sortuk proposatu duen epekako independentzia. Joño! Lehenik, Euskal Autonomia Erkidegoaren eta Nafarroaren arteko Estatutu Autonomia, Espainiaren baitan; eta gero gerokoak, Iparraldea erakundetu ostean edo.

Auskalo denboraz ote gauden, oraindik, 1978ko Konstituzio espainiarrak honen inguruan (laugarren xedapen iragankorrean) dioena gogoratzeko, alegia: Nafarroa nor dela EAErekin bat egiteko, nafarrek horrela nahi eta erabakiko balute erreferendumez.

Segurutik ez da daitekeen formularik onena, baina ez dirudi, hogeita hamabost urteotako hausnarketa luze eta sakonaren ondotik, Sortuk askorik hobetu duenik. Gogoan izan, haatik, batzuek tiroka ziharduten artean, nafar hautesleen %66,62k parte hartu zuela harako 1978ko Konstituzio-erreferendumean eta onartu, gainera, parte hartu zutenen arteko %75,70k.

Bakoitzak bere erritmoa du, jakina. Baina, behar bada, erritmo geldo samarra inoren eta ezeren "abangoardia" izateko.

Mugica Herzog, F. Gonzalez, Benigno Bascaran, A. Guerra. Astelena, 1976

Enrique Múgica Herzog, Felipe González, Benigno Baskaran eta Alfonso Guerra, Astelena frontoian (1976). Lauak bat etorri ziren, 1978an, orain Sortuk proposatzen duen formularekin

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Idatzi zortzi zenbakiak erabiliz
Erantzuna:
Aurkezpena

Amatiño

Luis Aranberri Mendizabal