Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Benetako akuarioa

Benetako akuarioa

Amatiño 2014/09/12 12:45
Aspaldiko itsasbeherarik sakonenarekin batera, Debanatura Ingurumen Heziketarako Elkarteak ibilaldiak antolatu ditu Lapari hondartza aldeko flyshean barrena. Diego biologoaren gidaritzapean, sei emakume eta bost gizonezko elkarrekin abiatu ginen marearteko zabalgunean zehar, ilbetearen argipeko itsasbizitza bertatik bertara behatzeko.

Berrehundaka itsas espezie bizi omen dira biotopo berezi honetan. Guk ez genuen, jakina, berrehunik ikusi, baina bai, ordea, zenbait muskuilu, karramarro, ostra, txoko, maskor, karrakel, olagarro, txibi eta itsas kurkuilu, izar, kirikino, tomate zein --nik behintzat estreinako-- itsas kabra.

Txalupaz arrantzara joan-eta, noizbait harrapatu izan dut nik kanaberaz arraingorri, itsas kabra edo kabrarrokaren bat, baina geldi-geldi putzu artean, eskuz hartzeko moduan, ikusi, sekula ez gero. Lastima ordurako telefonoa barrena jota zegoela. Bistan da ezin dela egun guztian urrutizkinez jardun eta oheratzeko ordu handietan argazkilariarenak egin nahi.

fosilak

Uretan sartu aurretik, Kretazikorainoko bidaia laburra: trilobitak, amonitak, septariak eta gainerakoen historiatxoa

 Taldea

Burusoila, Jon plaentxiatarra, eta, eskuinean, Diego naturazaleaSepia

Txibia, sepia edo dena delakoa

Olagarroa]

Olagarroa, Deba-Zumaiako haitzarteetako errege

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hiru ken lau (idatzi zenbakiz) ?
Erantzuna:
Aurkezpena

Amatiño

Luis Aranberri Mendizabal