Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Barrokoa eta tangoa, elkarren eskutik

Barrokoa eta tangoa, elkarren eskutik

Amatiño 2014/07/02 00:05
XVIII. mendeko barrokorik ospetsuenetakoa eta XX. gizaldiko tango berritzailerik nabarmenena elkarrekin ezkondu ziren ostiralean, Amsterdamgo Concertgebouw aretoan, zernahi delarik musika onak eskaini dezakeen sinbiosirik hunkigarrienaren altzopean. Sekulako programa eta demaseko lekua.

Ez da musika klasikoaz lar zalea izan behar Vivaldiren “Lau urtaroak” ezagutzeko edo lantzean behin entzun ahal izateko. Nabarmen zailagoa da gero, Piazzollaren “Buenos Airesko lau urtaroak” noizbait entzutea eta, zail samarragoa, ezaguntzat jotzea. Biak elkarrekin entzuteko abagunea, berriz,  loteria egokitzea bezainbateko miraria. Eta izurra izurtzekotan, azkenik, mirari hori munduko ezaugarri akustikorik onenetakoak dituen auditoriumean suertatu ahal izatea.

Amsterdamgo Concertgebouw (1888) aretoa da, diotenez, soinu-ezaugarririk onenak dituzten hiru auditoriumetako bat. Beste biak Vienako Musikverein (1870) eta Bostoneko Symphony Hall (1900) aretoak dira. Hiruak, nolabait esateko, XIX. mendeko fisikaz burutuak. Geroztik, zenbat entzunareto berri ez ote den eraiki munduan zehar… baina, hala ere, bat-bera ere ez XIX.eko teknologiaz egindakoen pareko.

Aurreko ostiralean Amsterdamgo Concertgebouw Erret Orkestrak (Koninklijk Concertgebouworkest) bere egoitzan bertan eskaini zuen kontzertua berriketabako horietakoa izan zen… Vesko Eswchkenazy (Vivaldi) eta Liviu Prunaru (Piazzolla) biolinjotzaileen gidaritzapean. Demaseko programa eta sekulako lekua.

Concertgebouw

Amsterdamgo Concertgebouw aretoa, aurreko asteburuan

Zuzendariak

Vesko Eswchkenazy eta Liviu Prunaru biolinjotzaileak elkarrekin, kontzertua amaitu bezain laster

Concert1

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hiru ken lau (idatzi zenbakiz) ?
Erantzuna:
Aurkezpena

Amatiño

Luis Aranberri Mendizabal