Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Balizko historiak gertaririk ez

Balizko historiak gertaririk ez

Amatiño 2012/10/05 15:00
Igandean Venezuelan eratuko diren hauteskundeetako kanpainan zehar Simon Bolivar izan da protagonistarik handienetakoa. Hego Ameriketan ez dute ahazteko “Askatzailea”. Are gutxiago Venezuelan eta, zer esanik ez, Chaves hautagaiaren inguruan. Ez dut uste Bolivar zerutik (edo infernutik) itzuliko balitz Chavesekin zer ikusi handirik izango lukeenik baina, usteak beti ustel, ez du gero zentzurik balizkotan alferrik aritzea, historiak ez baitu itzul-errotarik.
Balizko historiak gertaririk ez

Teresa del Toro y Alayza

“Lecciones de la historia y contradicciones de la vida –esan berri du Iñaki Azkuna bilbotar alkateak Amerika gomutan kongresuan barrena--. De quedarse en Bilbao Bolivar con su Teresa, no habría sido la espada centelleante que liberó América”.

Hamabost urte besterik ez zuen  Simon Bolivar nerabeak kasle gisa Bilbora estreinako etorri zenean. Hamazpi, María Teresa del Toro y Alaiza Madrilen ezagutu  eta hemeretzi, elkarrekin ezkondu zirenean. Teresa zortzi hilabete geroago hil zen sukar horiz eta alargun gaztea nora ezean ibili omen zen,  Frantzian nahiz Italian zehar,  oinazeak eta bihozminak jota. Baita  sekula berriro ezkonduko ez zela bere buruari agindu ere. Urte bi geroago erabaki zuen espainiar mendekotasunaren kontra jazartzea.

Eta ez gero pentsa nobelagile sutsuren baten irudipen hutsa denik. Bolivarrek berak aitortua da:: “Quise mucho a mi mujer y a su muerte quizá no volveré a casarme. He cumplido mi palabra. Si no hubiera enviudado, mi vida quizá hubiera sido otra; no sería el general Bolivar ni el Libertador…” (Diario de Bucaramanga. Luis Perú de Lacroix, 1828).

Alargundu izan ez balitz... Balizko historiak gertaririk ez.

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Idatzi zortzi zenbakiak erabiliz
Erantzuna:
Aurkezpena

Amatiño

Luis Aranberri Mendizabal