Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Bakea eta justizia

Bakea eta justizia

Amatiño 2008/02/17 19:25
Ez dut inor ezagutzen gerraren alde edo justiziaren kontra dagoenik. Arazoa sortzen da, ostera, lehentasunak eta baldintzak jartzerakoan. Zer da lehenago, bakea ala justizia? ("Ser humano en los conflictos". Jonan Fernández, 2006). Eta eztabaida honetan, nork bere tranpak egiten ditu.

Zenbaitek dio ez dela bakerik gabeko justiziarik. Jarrera honen arabera, lehenik justizia osoa behar omen da lortu, ondorioz bakerik izan dadin. Ez ei dago bakea aldarrikatzerik aurretik justiziarik ez bada. Justiziarik ezak bake-aukera guztiak eragozten dituelakoan.

Zeharo kontrako jarrerak, berriz, besterik dio hain zuzen: bakea derrigorrezkoa da, justiziarik izan edo ez. Justizia beharrezkoa da, ahalik eta justiziarik gehien eskatu behar da, bai, baina justiziarik ezak ezin omen du inoiz bakea auzitan jarri.

Biek ematen dute zentzuzkoak eta biek dirudite garbiak, baina biek ezkutatzen dute iruzur bikoitz berbera. Batetik, biek ukatzen dute gradualismoa, bakea zein justizia absolutuak balira bezala. Eta, bestetik, biek dute onartezinezko helburu beretsua: justizia absolutua aldarrikatzen duenak bakerik eza zilegiztatu nahi du, armetan jarraitu ahal izateko. Eta bake absolutua aldarrikatzen duena, berriz, gertu dago zenbait kasutan  justiziarik eza zilegi dela defenditzeko.

Ez dago, ordea, bakea eta justizia elkarren aurkako norgehiagokan  jartzerik, biak behar ditugu-eta aldi berean. Ez dago noiz erabateko justiziarik lortuko zain geratzerik, bakeak egin ahal izateko. Eta ez dago noiz erabateko bakeak egingo, justizia indarrean jartzeko.

Bien arteko aukera-maukeran dihardutenak, nahiz eta balore etikoak hitzetik hortzera aipatu,  iruzurretan ari dira.

Deia, 2008.02.18

 Jonan Fernández

SER HUMANO EN LOS CONFLICTOS. Reflexión ética tras una vivencia directa en el conflicto vasco.

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hiru ken lau (idatzi zenbakiz) ?
Erantzuna: