Bada munduan datu hoberik, baita txarragorik ere

Emaitza onak aukeratu nahi izatekotan, datu objektiboak dira, hots: 1. Nafarroa dela langabeziarik gutxien duen espainiar autonomia. 2. Gipuzkoa (%6,75), berriz, langabeziarik murritzen duen “probintzia” industriala; eta, azkenik, 3. Iparraldea,  daturik onena duen Akitaniako lurraldea.

Ontzat-edo eman beharreko datua ere izango da segurutik, Euskal Autonomia Erkidegoan (ez Nafarroan, beraz) emakumeen langabezia (%6,61) gizonena (%9,49) baino txikiagoa dela.

Datu objektibo kezkagarriagorik ere bada, jakina. Begiratu besterik ez dago. Dena publikoa da eta, beti bezala, Interneten dago. Gora bihotzak.

Oharra

Eskuineko taularen azken datuak ekainaren 30ekoak dira. Aurtengo lehen seihilekoak, beraz. Geroztik beste hiruhileko oso bat iragan da. Espainiako datuak honezkero argitara emanak izan arren, Frantziakoak beranduxeago agertu izaten dira, eta zertxobait geroxeago, berriz, Iparraldekoak. Hartara erabaki dut, hiru hilabetetik behingo taulak moldatu beharrean (urteko lau taula), sei hilabetetik behin egitea, urtean bi, alegia. Hartara, hurrengoa, 2024 urte osokoa, otsailaren azkenetan-edo.