Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Autodefentsarien malurrak eta paradoxak

Amatiño

Autodefentsarien malurrak eta paradoxak

Amatiño 2012/12/17 10:00
Connecticut-en gertatu den enegarren sarraskiak beste behin suspertu du Estatu Batuetan edonork armak erosteko duen eskubidearen gaineko eztabaida. Itxurazko eztabaida baino ez, nonbait, han-hemenka 300 milioi arma sakabanaturik dauden gizartean nekez izan daiteke-eta benetako eztabaida.

Anglosaxoi tradizioan oro har eta Ipar Ameriketakoan bereziki, nork bere burua armaz defenditzeko eskubidearen kulturak hiru “etsai-motari” erantzuteko prest egon nahi edo behar izanak du oinarri, hots: kanpoko erasoei, estatuaren gehiegikeriei eta bertako gaizkile arruntei.

Irudimen handia edo lar paranoia behar da gero hiru arrazoi horietarikoren batek oraindik indarrean dirauela uste izateko. Ez du ematen, ez, EEBBen armadak hiritarren laguntzaren zain dagoenik munduan zehar poliziarenak egiteko. Ezin esan ere gobernu federalak edozein demokrazia homologatutan ohi den baino gehiago kontrolatzen duenik hiritar estatubatuarra.

Eta, hirugarrenik, iruditu ere ez dirudi 315 milioi estatubatuarren artean dauden 300 milioi armok inor defenditzeko balio dutenik. Alderantziz, azken hogeita hamar urteotan (1982-2012) nork bere burua defenditzeko arma horiek 289 lagun erail dituzte (73 ume), eta biktimei euren burua defenditzeko aukerarik txikerrena eman gabe, gainera.

Nork bere burua defenditu behar izanak goiburutzat duen gizartearen malurrak eta paradoxak.

Venta de armas

Jaime
Jaime dio:
2012/12/17 17:43
Estatu Batuetan armen arazoa izugarria da gero. Herri hartan 100 lagunen artean 85-k su-arma bat,gutxienez, badu bere etxean. Egunero, su-armak direla eta, 86 lagun hiltzen dira, hauetariko 9 adin txikikoak. Beraz, Vietnamgo gerran hil ziren soldadu estatubatuarrak adina pertsona hiltzen dira bi urtean behin AEBko herrietan su-armen ugaltze dela eta.
Gurean aldiz, arazoa desberdina da: gaizkile bat sartzen bazaigu etxean, oso zaila izango da gure bizitza eta familiarena zaintzea erabat desarmaturik garelako, oro har. Armaturik bagina ere, gaizkilea zauritzen badugu arazo larriak izango genitzake Justiziarekin. Ikusten denez, nahiz maila altuko nahiz maila baxuko gaizkileen interesak ongi bermatuak daude hemengo Kode Penalean.
Nork esan zuen: norberaren etxea bere gaztelua da?
txu
txu dio:
2012/12/23 02:51
Norberan historia be diferentia da. Espainian jendia arma barik laga bazan ez zan izan jendian segurtasunangaittik, ez, izan zan estadu faszistak erantzunik ez izateko jendian artian.
Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hogei ken bi? (idatzi zenbakiz)
Erantzuna: