Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Arantzazuren historiarik zaharrena

Arantzazuren historiarik zaharrena

Amatiño 2011/07/31 12:24
Luis Villasante euskaltzainaren ekimenez eta eraginez 1966an argitaratu zen Gasteizen, 1648an idatzia izan arren ondoko hiru mendeetan plazara ialgitzeke iraun zuen Arantzazuren historiarik zaharrena. Gurean behar baino urriak omen dira historia-iturriak eta, are lotsagarriago, diren apurrak garaiz ez ezagutarazi izana.

Aita Villasanteri jaramonik egingo badiogu, Aita Gaspar de Gamarra frantziskotarra (oñatiarra?) dugu egilea eta Garibairen (Compendio Historial. Anberes, 1571) ondotik Arantzazuz sekula idatzitako bigarren historia omen da. Bada gero zerbait. 

Besteak beste,  Ama Birjina estreinako ikusi zuen Errodrigo Balzategi “Ancho Chapel” artzainaren berri ematen du, Arantzazuko konbentuaren hastapenak jaso, sorgin-auzietan frantziskotarren misioak aipatu, Beotibarko gudua (milla urte igarota ura vere videan, Guipuzcoarroc sartu dira gasteluku echean, Nafarroquin bildu dira Beotibarren pelean) kontatu eta San Martin martiri gipuzkoarra beasaindarra zela frogatu.

Aita Gaspar Gamarrakoak zalantzan ere ez du jartzen 1597an Nagasakin gurutziltzatutako San Martin martiri gipuzkoarra, Loinaz nahiz Agirre izan,  Beasainen jaio zenik, ez Bergaran. Izan ere, Aita Villasantek berak ezartzen duenez,  polemika ez omen zen 1740 urte arte sortu.

En Beasain 

 “En Beasain en la cassa nativa de este inclito martir ay una capilla dedicada a la devocion de este santo, donde se vee su retrato en cruz con las insignias de su martirio; y el dia de su gloriosso transito (que es a cinco de febrero) acude mucha gente a visitar a su capilla, reciviendo de Dios singulares beneficios de sus meritos, particularmente los que padecen calenturas consiguen salud”

Arantzazu historia

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hogei ken bi? (idatzi zenbakiz)
Erantzuna:
Aurkezpena

Amatiño

Luis Aranberri Mendizabal