Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Antzerki zaharra, musika berria

Antzerki zaharra, musika berria

Amatiño 2015/03/17 16:05
Xabier Maria Munibek, bizi izango balitz, ez luke sekula 2015 urtea ahaztuko. Eta ez, 250 urteren bueltan, bere euskal operaren berrestreinaldiarengatik, aspaldiko partez testu zaharrak musika berria berreskuratu duelako baizik.

 “El borracho burlado. Ópera cómica en castellano y vascuence. Escrita y puesta en música por un caballero guipuzcoano” (Bergara, 1764.08.25) delakoak sortze beretik izan du, etenik gabe, testu ezaguna. Gaur egun edonork aurkitu dezake paperez zein Internetez, irarkiz nahiz faksimilez. Ez zegoen, ordea, musikarik inon… azken asteburu arte.

Orain  50 urte, berrehungarren urtebetetzean alegia, Muniberen opera hau antzeztu zen Azkoitian, baina batere musikarik gabe, inork ez baitzuen orduan jatorrizko partituraren berri. Hainbat urte geroago, antza, Bergaran agertu omen ziren paper-puskaren batzuk, non Evaristo Espinosak 1921 urtean egindako transkripzioren bat azaltzen zen. Paper haiek Javier Bello Portu tolosarrari luzatu zitzaizkion eta, musikagile honek egindako moldaketen ondotik, Valen Moñux eta Iñigo Alberdi bergararrak tarteko, ganbara-orkestra eta hainbat ahotsetarako eresia izaten amaitu dute.

Batetik daki azken emaitza horretatik zenbat den Muniberen ezpalekoa eta zenbat geroztik etorritakoek asmatua. Auskalo gero, ezarritako musika berriari darion euskal doinua XVIII. mendekoa izan zitekeenik ere; baina, zernahi delarik, nekez esan ahal izango du inork atsegina ez denik, edo belarrira hurbila, aproposa eta ezaguna egiten ez zaionik.

Berrehun eta berrogeita hamar urteren bueltan, testu zaharra, musika berria. Berez ona eta, besterik ezean, onena. Ezin hobea.

Borracho1

Jendaurrean azken leloa errepikatzen

Borracho3

Jendeari bizkar emanda, Xabier Maria Muniberen irudia txalotzen

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hogei ken bi? (idatzi zenbakiz)
Erantzuna:
Aurkezpena

Amatiño

Luis Aranberri Mendizabal