Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Amama

Amama

Amatiño 2015/09/21 22:40
Zenbaitentzat poesia hutsa da "Amama" filma; beste hainbatentzat, ordea, ez omen du Donostiako Zinemaldiaren A kategoriak eskatzen duen besteko mailarik. Ez dakit ba... Niri gustatu egin zait, baina ez naiz poesiaren zale. Eta orain arte sail ofizialean ikusi ditudan hiru filmetarik onena... "Amama" bera.

Leporatzekotan, “Amama” filmari leporatuko nizkioke akats bat eta eskasia bat. Akats gisa, bi helbururi aldi berean erantzun nahi izatea: batetik, baserri giroko azken belaunaldion arteko etenari eta, bestetik, nolabaiteko errealismo magikoari. Eskasiaz, berriz, zuhaitz gorria (pasioa, errebeldia...) ordezkatzen duen semeari horren joko gutxi eskaintzea.

Segurutik, ez bata (akatsa) eta ez bestea (eskasia) ez dira euli-kakak ziria sartu nahi izateko zorian baina, zer gerta ere, filma atsegina da oro, zirraragarria inoiz, interpretazio onekoa gehien-gehienetan, primerako fotografía beti eta, euskaraz den aldetik, nabarmen asko landua, hasi eta buka.

Edozein modutan, besterik iruditu arren, gai unibertsala. Amama, baserria, tradizioa, ohitura zaharrak, belaunaldi-haustura eta zuhaitzen erreferentzia biltzen zituen “La balada de Narayama film japoniarrak (Shohei Imamura) Urrezko Palma irabazi zuen Cannesen (1983), eta inork ez zion behintzat unibertsaltasunik eza egotzi.

Maila-kontuez, berriz,  “Amama” pelikulaz gainera, “21 nuits avec Pattie” eta “Eva no duerme” baino ez ditut nik orain arte ikusi baina, Urrezko Maskorra hiruon artean erabakitzekotan, Asier Altuna eta Telmo Esnal bikotearenak irabaziko luke, hamarretik hamarretan.

Amama

Amamak (Amparo Badiola) ez du ahorik irekitzen pelikula guztian zehar. Gaur goizeko prentsaurrekoan jakin dugu, ordea, ez dela mutua

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hiru ken lau (idatzi zenbakiz) ?
Erantzuna:
Aurkezpena

Amatiño

Luis Aranberri Mendizabal