Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / “Euskalherriaren erakusgarria”

“Euskalherriaren erakusgarria”

Amatiño 2010/02/15 17:36
Datorren ostegunean Athletic-ek "Euskadi" izenaz jokatuko du, San Mamesen, Anderlechten aurka. Ez da aurrenengo aldiz izango, 2004-2005 denboraldiko UEFAko sailkapenetan ere lelo berbera jarri baitzuen elastikoan. Orduan ez zen iskanbilarik falta izan, diru publikoak beste helbururen bat behar zuelakoan. Oraingoan, berriz, gauzarik normalena bailitzan gertatu da.

Orduko eta oraingo egoeren artean bada gero alderik. Batetik, duela bost urte estreinako onartu zuen Athletic-ek iragarkirik bere elastikoan eta oraingoan, ostera, denboraldi bi daramatza Petronorren leloarekin. Eta, jakina, estreinako zelako edo (eta krisialdirik ez), Eusko Jaurlaritzak orain baino hiruzpalau bider gehiago ordaindu behar izan zuen. Bestetik, orduan Lehendakariordetzak ordaindu zuen, Athletic-en finantzen lagungarri, eta oraingoan, berriz, Turismo Sailak beronen europar kanpainiaren ildotik

Paradoxa bada ere, 2005ko Lehendakariordetzaren irizpide politikoak eta oraingo Jaurlaritzaren Turismo Sailaren arrazoi komertzialak bat etorri dira Euskadi leloa hautatzerakoan. 2005eko Turismo Sailak Pays Basque izena (Euskaltel, kasu) erabili ohi zuen Europan zehar, Euskadi hitza politikoegia zein ezezagunegia zelakoan turismo-sektorearen baitan. Eta, mutu geratu zen arren, orduko Turismo Sailari ez zitzaion askorik gustatu Lehendakariordetzak bere kautan hartutako erabaki hura. Bost urte geroago, aldiz…

Inori gustatzen ez bide zaiona, ostera, zera da: Saboréala leloa. Zail da gero horrelako "claim" edo aldarria erabakitzerakoan bete-betean asmatzea baina, egia ere bada, genero-kontuetan murgiltzeak arriskuak gehitu ohi dituela. Zer ote dastatu edo gozatu beharreko hori? Lurra? Nazioa? Aberria? Komunitatea? Gaztelaniaz, behintzat, Herria ezin izan. Asturias printzerriak honelatsu konpondu zuen arazoa 2006an: Asturias. Esta es tu casa. Saboréala.

Rosa Diezek euskal turismoa armairutik atera zuen, Josu Jon Imazek industria-sektoretzat egituratu eta suspertu, eta Ana Agirrek nazioarteko bisitarien helbidetzat eta xedetzat sustatu. Hemendik aurrerakoak geroak esango ditu. Bitartean...

Athletic, gorri ta zuria, danontzat zara zu geuria.
Herritik sortu zinalako, maite zaitu herriak.
Gaztedi gorri-zuria, zelai orlegian, Euskalherriaren erakusgarria.
Zabaldu daigun guztiok, irrintzi alaia: Athletic, Athletic, zu zara nagusia!

Blog

Fernado García Macua, Athletic-en presidentea, erabaki ezinik edo

AthleticEuskadi

2005eko Athletic europarra

ramon
ramon dio:
2010/02/15 23:22

Horrelakoak idazten dituakenian benetan oso gustoak egiten zaizkit hire itxatxiak. Egia aitortzeko sekulako informazio iturriak dituk.

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Idatzi zortzi zenbakiak erabiliz
Erantzuna:
Aurkezpena

Amatiño

Luis Aranberri Mendizabal