EITBko kazetarien euskarazko blogak non daude?
Gustura joan nintzen oporretara apirilaren 2an (zortzi gau hemen). Beti bezala, kosta egin zait berriro martxa hartzea, baina ez dago beste erremediorik.
Bloglines-eko kontua bete samarra nuen itzuleran eta, gehienak irakurri beharrean, paso egitea erabaki dut. Hori bai, zenbait blog berriren buskan egon naiz. Kasu honetan, EITB taldeari erreparatu diot.
Etxe honi kosta egin zaio bide horretatik jotzea, baina azkenean hasi dira zenbait kazetari blog interesgarriak idazten. Jarraitu nuen lehena Roge Blascorena izan zen. Gero, Javier Vizcaínorena eta Dani Alvarezen Ganbaratik.
Aste Santuaren bueltan New York-eko korrespontsalaren bloga deskubritu dut. Luis Foncillas da bera. Kasu honetan, ez dago Radio Euskadiren guardasolapean, EITBren babesean baizik. José Félix Azurmendiren bloga ere bertan da.
Harritu nauena izan da ez dagoela euskaraz ari diren profesionalen blogarik. Eta ez dakit zein den arrazoia. Era berean, emakume gutxi daude blogatzen. Eskertuko nuke, bereziki, Arantxa Iturberen, Maite Artolaren edo Susana Mujikaren bitakorak. Non daude? Non zaudete?
Konatxe ondo ari bada ere, berea ez da kazetari baten bloga. Adibide behinena, seguraski, Muruarena litzateke.
Kaixo Pernan:
Bai, enteratu gara amaitu duzula amaitu duzula Zuzeurekin, baina lasaitu piska batean, arren.