Teknosexua

Azkenean atera du Googlek RSS irakurgailua. http://www.google.com/reader/

Bloglines erabiltzen dugunontzat oso erraza da honelako tresnak frogatzea, normalean denek OPML estandarra erabiltzen bait dute feed-en zerrendak inportatu eta esportatzeko.

Horixe egin dut, nire Bloglines-era joan, Edit eta han behean Export Subscriptions aukeran klik egin. Horrela fitxategi bat deskargatzen da (normalean export.xml) eta horrekin Google Reader-era joan, eta import aukeran fitxategi hori kargatuta, minutu batean zure feed guztiak Googlen dauzkazu.

Lehen inpresioan espazio falta sumatu dut, Bloglines-ek ez daukana. Dena bata bestearen gainean dagoela ematen du. Ez dakit erabiltzaile arrunt batek (RSS, feed edo horrelakoak ulertzen ez dituenak esan nahi dut) zerbait ulertuko duen. Eta bista orokorra falta zaio, normalean hemen eta han klik egiten ibiltzen gara eta.

Hortxe utziko dut. Egun batzuen buruan ea inpresio hori aldatzen den.

Eguneraketa (2005/10/05): Espazio gutxi, post-ak banaka, sailka aukeratzeko modurik ez... Desastre hutsa Google Reader hau. Long live Bloglines!

Gainera, Mark Fletcher, Bloglines-en sortzailearen jarraitzailea naiz. Proiektu berriztaileak sortu eta saltzen trebea da Mark, baina oraindik ez dut ulertu zein onura ekarri dion Bloglinesi Askjeeves-ek erosia izateak. Mark Fletcher hau bera da duela zenbait urte eGroups Yahoo-ri saldu ziona. Berak dirutza irabazi zuen, baina zerbitzuak ez du 3 urtetan eguneraketa berezirik izan (diseinu apur bat, RSSak eta horrelako mantenua, baina Featureak, zero patatero).

Atzo iluntzean gure enpresa alboan ateratako argazkia. Aukera ikusi nuen, autoa gelditu, eta hortxe daukazue. Sergey eta Larry ote datoz barruan? :-)

Telezaborraren diseinuak inbidia eman eta kopiatu egin diot.

Portzierto, "laranga" hori nirea zen eta berak kopiatu dit!

Eguneraketa: CSS-ekin lan egiteak abantaila horiek ditu. 2 minututan, Copy/Paste eta diseinu berria!

Webguneak egiten ditugunontzat klasiko bat da Jakob Nielsen-en Top 10 Web Design Mistakes . Aurtengoan ere atera du 2005eko errore handienak webgintzan zerrenda.

Batzuentzat Jakob Nielsen radikal bat besterik ez da, eta agian arrazoia ere badute, baina bere lana hori da. Bere lana, purista izatea da, guk berarengandik pixka bat har dezagun eta ahal den guztietan erabiltzailearen alde egin dezagun.

Oso sarri gertatzen zaigu bezeroen aurrean, erabiltzaileak defendatu behar izatea. Bai, bezeroa bera da, baina sarritan ez da konturatzen bere gustoko erabaki asko webgunearen bisitari eta erabiltzailearen kontra doazela. Animazio bat nahi du, gauza orijinalago bat... Nahasmena normalean. Guk nahiago izaten dugu benetako bezeroarengan pentsatzea, kasualitatzen webgune horretara iritsi eta zerbaiten bila dabilen bezero horrengan.

Horregatik iruditzen zaizkigu garrantzitsuak Nielsenen gomendioak. Noski, gero nola aplikatzen ditugun, hori gure kontua da, eta kasu bakoitzean neurtzen dugu egin beharreko kasua, dena ez bait da zuria edo beltza. Baina saiatzen gara.

Arauak apurtzeko, aurretik ezagutu beharra dagoenez, hona hemen 2005eko errore handienak webgintzan .

1. Irakurgarritasun arazoak: letra tipo txikiak, tamaina fijoak (erabiltzaileri aldatzeko aukerarik eman gabe) eta kontraste gutxikoak.
2. Lotura ez estandarrak: testu batean ezin dugunean desberdindu zer den lotura eta zer ez, eta nire gerra pertsonala: loturak leiho berrian zabaltzearena. Nik erabaki nahi dut leiho berria noiz ireki. Bestalde, aurten gure kontura hartutako erabaki batekin ere ados dago Nielsen: PDFak leiho berrian.
3. Flash: edo Flash-aren erabilpen okerra esan beharko genuke
4. Weberako idatzi ez den edukia: irakurtzean, bla-bla-bla-bla entzuten duzunean zure garunean.
5. Bilaketa txarra: webgune batean bilaketa jartzen dugunean.
6. Nabigatzaile ez-bateragarritasuna: garai batean garrantzi gutxi izan du, Internet Explorer nagusi zelako, baina hau ere aldatuz doa. Onena estandarrak jarraitzea.
7. Datu-orri deserosoak: luzeak, zailak, behar ez diren daguekin, beharrezko eremuak...
8. Kontakturako informazio eza: erabiltzaileak konfidantza hartzen dute helbide fisikoren bat ikusi ezkero. "Bai, sarean gaude, baina aurpegi eta bulego eta telefono zenbaki bat ere badugu" esatea garrantzitsua da.
9. Maketazio zurrunak: zabalero finkoko maketazioak, nabigatzaile handietan txiki eta txikietan handiegi ikusten direnak. Hor badugu zer hobetu.
10. Argazkien anpliazio ezegokiak: "Argazkia handiago ikusi" lotura batean klik egin eta oso antzerakoa erakustea, benetan argazki handiagoa erakutsi beharrean.

2005eko errore handienak webgintzan zerrenda osoa.

Berriz ere eskatu gabeko spama euskaltzaleoi (eskatutakoa bada, ez da spama). Euskararen izenean bada denak balio du itxura batean, baita publizitate deklaratua ere:

   Subject:     [Publizitatea] Gipuzkoako Foru Aldundiaren     kultur agenda   Date:     Mon, 3 Oct 2005 15:00:20 +0200   From:     dokum@argia.com   To:     XXXXXXXXXX   XXXXXXXXX <xxx@xxx.xxx>    KULTUR AGENDA   (Urriaren 1etik 31ra)    KOLDO MITXELENA KULTURUNEA   (http://www.gipuzkoakultura.net/kmk.htm)    [...] 

Nola baja eman norberak izena eman ez duen "zerbitzu" batean? Ideiarik ere ez...

Publizitate pixka bat barkatuko didazue, tartean ibili garelako ezagutu dudan proiektu baten inguruan:

Goazen eta Goiena enpresen artean sortu dute SMSoinu sakeleko telefonoetarako tono, politono eta antzerako euskaldunak eskaintzeko zerbitzua. Orain arte merkatuaren zati handiena Vocento-ren eskuetan dago, entzun dudanez baita Eitb-k eskaintzen dituenak ere. Hor atzean diru asko dagoela gauza garbia da. Ikusi besterik ez dago astero zenbat orri ateratzen diren Vocentoren medioetan honelako zerbitzuak iragarriz.

Apostu eta inbertsio majoa egin dute SMSoinukoek euskal klasikoak politonoetara bihurtzen. Hor dauzkazue Kaxiano, Itoiz , Delirium edo Kortaturen melodiak, nere garaietakoak aipatzekotan, baina baita Ken 7 , edo Gatiburenak ere.

Teknika aldetik

Noski, melodiak ez daude web zerbitzarian ostatuta, horretan zuzenki lan egiten duen beste enpresa batean baizik, ez eskatu beraz faborerik!

Baina webgintza aldetik badago webgune honetan frogatu ahal dugun teknika berri bat: letra tamainaren araberako maketazioa.

Sartu zuen Firefox-arekin, eta Ctrl+ eta Ctrl- tekleatuz, aldatu letraren tamaina. Ikusten duzuenez, maketazioa ere neurri horretan txikitu edo handitzen da. Batetik maketazio likidoa dugu, eta bestetik letra tamainaren araberakoa.

Noski, hau ez dugu guk asmatu. Orain ez zait maketa honen iturria azaltzen, baina aurkituko dut eta geroxeago jarriko dut hemen. Gurean Zaloa Etxaniz izan da XHTML eta CSSaren ardura izan duena. Aupa!

Obsesioak izaten dira, eta nire obsesioetako bat zena desagertu da berriki:

Hutsunea. Horixe da orain dagoen guztia Mendaroko tren geltokian.

Zer zegoen hor lehen?

Luistxok atera zion argazkia duela urtebete edo:

Publizitatea hain erraz desagertzen da, horregatik anuntzio hau berezia zen niretzat. Gordeko zuen norbaitek ala harri tontor batean egongo dira azulejo guzti horiek?

Beti pentsatu dut objektu zaharrek fase kritiko bat pasatzen dutela, zaharrak direnean baina oraindik antigualla ez direneko tarte hori. Krisi tarte horretan inork ez baditu zakarretara botatzen, etorkizuna bermatuta izaten dute objektu horiek, antikuario edo gauza zaharrak baloratzen dituztenen eskuetan.

Mutrikuko portu berriaren proiektua ezagutzen ez duzuenontzat, hona hemen aurkitu ditudan plano pare bat.

Ideia bat izan dezazuen, orain momentuan itsaso aldera dagoen azkeneko puntua "danborra" edo "tambor" esaten zaiona da.

Mutrikuko portua

Flickr-en nire kolezioa

Autospam pixka bat orain: SMSOINU

Zer nolako poza! Azkenean sortu dute tresna hau!

Web orri baten pantallazoa ateratzeko tresna, nahiz eta orria gure monitorea baino luzeagoa izan! eta gainera gure nabigatzaile gogokoenaren gehigarri bat besterik ez da!

Screengrab (vía Microciervos )

Eguneraketa: Halako emozioa, frogatu gabe posteatu dudala. Eskerrak badabilela. ;-). Baina adi, Java instalatuta izan behar duzu zure sisteman. Bestela ezin!

Teknosexuari ere atera diot lehen argazkia.

Artikulu honen helburu bakarra ping zerbitzuak eta Google-ren bilaketa berriak frogatzea da. Horregatik hitz berezi bat jarriko dut hemen eta saiatuko gara han aurkitzen: kiribiloa.