Teknosexua

Gaur, ekainak 5, Maite Rementeria Etiamek urteak egiten ditu, gutxi oraindik. Egun polita izaten da berarentzat, jende askok zoriontzen bait du. Asko gustatzen zaio lagunen deiak jasotzea. Horrela bada, Maiteren laguna edo ezaguna bazara, gustora jasoko du zure deia.

Nik RDF-aren erabilpena proposatzen nuen 2003an Agenditisa izeneko gaixotasuna konpontzeko

Gerora joan dira mikroformatuak indarra hartzen, eta gaurko albisteak bide hori ona dela esaten digu:

Technoratik mikroformatuak irakurtzen ditu gaurtik aurrera

Honek zer esan nahi duen? bada, ondorengo kode hau hemen idazteagatik bakarrik, laster azalduko dela ebentu moduan Technoratiren ebentu bilatzailean eta beste webgune batzuetan. Hauxe:

Blogs&Beers 3.0: ekainak 3an, arratsaldeko 8tan hasi eta auskalo zein ordu arte. Tokia: Gaztetxea, Larrabetzu, Bizkaia, Euskal Herria

edo hau bera, XHTML kodea ikusirik:

   <span class="vevent">
        <a class="url" href="http://larrabetzu.org/bloga/?p=9">   
          <span class="summary">Blogs&Beers 3.0</span>:    
         <abbr class="dtstart" title="20060602T2000">ekainak 3an, arratsaldeko 8tan</abbr> hasi eta 
         <abbr class="dtend" title="20060602T2200">auskalo zein ordu</abbr> arte.
         Tokia: <span class="location">Gaztetxea, Larrabetzu, Bizkaia, Euskal Herria</span>
        </a>
   </span>

Gauzak ongi egin baditut, eta zorte pixka batekin Technorati Larrabetzu Search bilaketan azalduko da artikulu hau publikatu eta minutu batzuetara, eta agian baita ere EVDB datubasean

Zuek ere egin nahi baduzue, hona hemen mikroformatu honen definizio osoa: hcalendar

Frogatuko dugu!

(Ni ezin gaur Larrabetzura joan. Pena daukat. Zalantzan zaudetenok, joan, ondo pasatu eta gero blogeatu!)

Kazetaritza modu berriak asmatzen ari dira han eta hemen. Gaur aurkitu dut Otro blog más-en Kevin Sites eta Yahoo-ren arteko proiektu berria: Kevin Sites in the HotZone

Kevin Sites kazetari famatua omen da (ez nuen ezagutzen), beti munduko gune beroetan erreportari ari dena. Orain webgune oso bat jarri diote berari, bere argazki eta testuak han kargatu ditzan, eta egunero kargatuko ditu munduko toki horietan egindako erreportaiak.

Ideia asko gustatu zait, baina batez ere, webgune horren diseinua. Oso gustokoa.

Kevin Sites in the HotZone

Noizbait Eusko Jaurlaritzako agintariek erabaki zuten agroturismo hitza erabiltzea. Oker ez banago legedi berezia sortu zen hitz horren inguruan, beste tokietan gehiago erabiltzen zen casas rurales horrekin alderatuta zenbait desberdintasunekin (nekazaritza ekimenaren beharra eta abar).

Denborak erakutsi du erabaki okerra izan zela. Produktu batentzat hitz berri bat sortzeak arazoak dakartza, batez ere zure bezero posibleak munduan barreiatuta badaude, turismoaren kasuan gertatzen den moduan. Izan ere, EAE-tik kanpo inor gutxik erabiltzen bait du agroturismo hitza eta bai turismo rural edo casas rurales

Google Trends tresna

Atzo atera da Google Trends tresna. Tresna honi esker jendeak Googlen zer bilatzen duen erakusten da, bai denboran zehar eta bai tokiaren arabera. Oso egokia da terminoak alderatzeko: zer erakarriko du bisitari gehiago, gipuzkoak ala guipuzcoak?

Honek erakutsi digu ofizialtasuna alde batera utzita, jendeak nahiago dituela casas rurales eta turismo rural, agroturismo baino , eta gainera, Zamudion (Euskaltel) eta Bilbon bilatzen dela gehien agroturismo hitza. Normala, telebistaz eta irratiz behin eta berriz bonbardatu gaituzte eta.

Hausnarketa denontzat

Saia zaitez zure inguruko terminoekin eta seguru sorpresa bat edo beste izango duzula. Adibidez, gipuzkoarrek erabaki dugu gure herrialdearen izena Gipuzkoa dela (nahiz eta Madrilen ez lortu), baina jendeak Guipúzcoa bilatzen badu sarean, ez al genuke gure webgune turistikoetan Guipúzcoa erabili behar?

Eguneraketa (15:30): agian titular radikalegia zen lehen. Orain sarean bilatzeko hitzak gehitu dizkiot. Izan ere, arazo honek errealitatean duen efektua neurtu beharko litzateke. Niri esplikatu zidaten bezeroaren hizkuntzan hitz egin behar zela, eta egia esateko, horretarako ez da egokia agroturismoa hitza.

Ideia oso ona, ez nekien proiektu hau martxan zegoenik ere.

Itxura denez plugin honi esker, Microsoft Word 2003 programak OpenOffice-rekin idatzitako dokumentuak irekitzeko gai da.

OpenOffice filter to Microsoft Word XML

Noizbait komentatu izan dudanean CD-aren negozioa bukatu dela eta MTV-ko musikarien modeloa dela hori, galdera bat entzun behar izaten dut: "eta nondik biziko dira musikariak?"

Orain arte erantzun izan dut gure inguruko musikariak ez direla orokorrean CD salmentatik bizi, hori irakurri izan dut beti, eta bakoitzak asmatu behar duela bere negozioaren modeloa. Askotan pentsatu dut gainera futbolariek kamisetan propaganda eramaten duten moduan musikariek egin dezaketela.

Gaur irakurri dut Napster hasi dela publizitatea irenstearen truk musika doan ematen. Beste aukera bat da.

(via Edans : La música es gratis )

Eguraldi ona eta denbora librea aprobetxatuz, Mutrikuko babes dike (ala portua?) berriaren argazki pare bat egin ditut, eboluzioa ikus dezazuen.

Mutrikuko portu berriaren argazki guztiak

Internet Euskadin irakurri dut espainiar gobernuak zenbait .eu domeinu erreserbatu dituela, baina beste batzuk ez.

Adibidez, euskalherria.eu eta paysbasque.eu erreserbatu dituzte, baina ez larioja.eu. Zein zentzu eta lojika du honek? Nik azalpen bat bakarrik ikusten diot, izorratzea besterik ez.

.eu domeinuak dira webgune europearrak izendatzeko atera dituztenak, hau da, .com edo .es izan beharrean jartzeko, eibar.eu edo antzera.

Bestetik, EU da ISO kodean euskara izendatzen duen letra parea, EN ingelesa eta DE alemana den bezala. Horrela ba, nahiko domeinu izen egokiak dira .eu-z bukatutakoak

Horrela ba, euskalherria.eu domeinuak bi zentzu izan ditzazke: euskalherria.europa edo euskalherria.euskara

Normalean domeinu kontuek ez naute kezkatzen, internazionalki .com bait da benetan balio duena, eta besteak zailxeagoak izaten dira gogoratu eta posizionatzeko, baina kuriosoa egin zait kasu hau.

Eguneraketa: Arkaitz Mutilmediak kontatzen du agian zer gertatu den. Izan liteke Errioxako eta Espainiako gobernuen artean akordioren bat egon izana.

Loreak Mendian-eko lagunek webgune berria sortu eta pauso bat egin dute atzera. Lehen sar ninteken, orain ez, ezin dut ezertxo ere ikusi. Ez dakit zein Flash bertsio dudan eta ez dakit zein behar den, eta ez zait axola. Dakidan bakarra da webgunea berritu dutela eta orain ezin dudala sartu. Hemendik hilabete batzuetara Flasha eguneratzen badut, sartuko naiz beraien webgunera (ordurako akordatzen banaiz).

Ez zaizkit horrelako obligazioak gustatzen. Noiz ikasiko dugu gauza hauekin?

Aurrera doa Openstreetmap proiektuan egiten ari naizen lana. Opor luze (12 egun!) hauetan egindako auto bidai guztietan eraman dut gainean aitaren GPSa eta gero poliki-poliki kargatu ditut. Hona hemen mapatutako zenbait gune:

• Azkoitia eta Azpeitia
• Donostia eta Oiartzun
• Bergara, Antzuola, Zumarraga eta Beasain (Zumarragatik pasatzean beti begiratzen dut, Traperoa ikusten ote dudan kruze batean, baina ez...)
• Altsasu, N1 eta Sakana aldeko autobidea (Eskuma aldera joanda Irurtzun ere)
• Valtierra eta Argedas
• Durango
• Deba eta Mutriku

Lagundu nahi duzu?

Hau Wikipediaren modukoa da. Ni ez naiz toki guztietara iritsiko eta jende gehiagok lagundu beharko du. Hona hemen laguntzeko moduak:

• GPS bat duzu eta autoarekin ibiltzen zara hara eta hona. Bale, ba grabatu joan etorriak eta bidali niri, kargatuko ditut eta, nik edo beste batek lantzeko.
• GPS-rik ez duzu baina denbora apur bat bai. Kasu honetan izena eman OpenStreetmap-en eta editatzen hasi. Lan handia dago: GPS-eko arrastoen gainean puntu eta segmentuak marraztu, segmentuei izena eman (zein errepide edo kale den), gaizki lotutako errepideak zuzendu, eta abar. Laguntza behar baduzu esan eta lagunduko dizut.

Edizio moduak

Webguneak berak eskaintzen du Java bidezko editore bat, retokeak eta, egiteko. Baina nahiko astuna izaten da luzaroan lan egiteko. Horregatik badago JOSM izeneko beste Java aplikazio bat ordenagailuan instalatzen dena.