Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Harrikadak / Geratzeko etorri da Spotify?

Geratzeko etorri da Spotify?

Mikel Iturria 2009/01/25 12:58
Astebete daramat Spotify probatzen. Gauza onak ditu, baina beldurgarria ere izan daiteke. Hype bat izango ote da?

textoalternativoAste honetan deskubritu dut spotify, musika Interneten zuzenean entzuteko disketxe handien zerbitzua.

Zenbait adituk diotenez, horrelakoa izango omen da etorkizuna. Hau da, musika Interneten entzungo dugula, inolako deskargarik egin gabe. Hodeia da etorkizuna esaten dute. Last.fm izan daiteke ezagunena une honetan. Nik izena emana daukat Last.fm-n, baina ez diot puntua harrapatzen.

Spotify, teknikoki, gozada bat da. Entzuteko gonbidapena behar da. Izena eman, aplikazio txiki bat jaitsi, zure ordenagailuan exekutatu eta hortik aurrera pronto duzu.

Adibidez, datorren hilaren 7an Kursaal auditorioan egongo den Mogwai taldearen 163 kanta entzun ditzakezu bata bestearen atzean. Calexicoren 80 kanta daude ere. Euskaldunen artean, 63 kanta ditu Bide Ertzean taldeak eta 120 Mikel Laboak. Hau da, dirudienez Elkar eta Gaztelupeko Hotsak disketxeen katalogoak entzungai daude bertan, baina ez dira Esan Ozenki eta Metak agertzen.

Ikusteko dago hau hype bat ote den: hau da, momentuko fenomeno hanpatua edo geratzeko etorri ote den. Formula ezberdinak daude: pagatzekoak batzuk, ez pagatzekoak besteak. Azken hauek, dena den, publizitatearekin berdinduko dituztela dirudi.

Honen harira, Spotify no mola irakurri diogu Keko Ponte blogariari. Berari ez zaio gustatzen kanpoan geratzen dena eta modelo publizitarioak soilik handiei egiten omen die mesede:

"Arazoa edukia da. Handien apostu agerikoa da Spotify, argi eta garbi dago hori. Eta bai, handiak musikaren % 95a dira. Baina Spotifyn ez dira denak sartzen, eta gainerako % 5ean (gutxi dirudi, baina musika asko da) aposturik erakargarrienak biltzen dira. % 5 hori disketxe txikiak dira, irizpide editorial garbiak mantentzeagatik saldu ez direnak, musika irizpideak (ez ekonomikoak) erabiliz aukeratutako produkzioak, % 5 hori Birra y Perdiz bezalako disketxeek osatzen dute, disko gutxi baina hautatuak publikatzen dituztenak. Ezin ahantzi ere auto-produkzioak eta net-labelak. % 5 horrek kontra egingo dio bere katalogoa eguneko merkatal eskaintzekin batera entzun behar izateari. Aurtengo nire disko gogoko gehienak biltzen dituen % 5 hori".

Eztabaida interesgarria dago Kekoren apunte horren azpian.

Eguneratzea: urtarrilak 26. 16:30. Gaur honen berri eman dute Sustatun (Spotify: musika zuzenean entzueko disketxe handien zerbitzua) eta Unaik dio Deezer.com hobeagoa dela. Garik, berriz, Grooveshark gomendatzen du. Probetxuzko zerbait ateako hainbeste eskaintzarekin.

Ibon "Olagarro" Gaztanbide
Ibon "Olagarro" Gaztanbide dio:
2009/01/27 00:56

Kaixo berriro, ordenagailua katearekin konektatzea gauza erraza da. Emaile-hartzaile, edo iturria-errezeptorearekin lotzea. Kateak/Ampliak AUX, MD, DVD,VCR edo danadalako kanala libre eduki beharko du. Hortik aurrera, ordenagailu, eramangarri, ipod, mp3 etabarreko soinu-irteera edo soinu-txartela lotzea ampliarekin erraza da. Nik adibidez honelaxe daukat: Wifi Router – Eramangarria Wifirekin – Amplia – vía (mini-jack to 2 RCA (-2.99eurotako kablea) Holy shit: idazten ari naizela, lehendabiziko iragarkia sartu zait kantu ta kantu artean. Spotify.com. Ala ere, 45 minuto neraman iragarkirik gabe, eh?

Urtebete 99 euro direla irakurri dut. Entzuten ditudan artistei proporzionalki ordainduko balitzaie sikera...

Deezer eta Grooveshark oaintxe gehitu ditut faboritoetara. Esker mila.

iturri
iturri dio:
2009/01/26 23:02

Eskerrik asko, Ibon.

Gonbidapena: nik dakidala, ez dago bistan lotura hori eta horregatik aipatzen nuen. Bertatik sartu beharra dago.

Ederra da ere zuk aipatzen duzuna: musika aparatuaren bafleei konektatzea. Ni ere saiatuko naiz, ea zer ateratzen den.

Ordainketari dagokionez, ez dakit zer esan. Gaur arratsaldean irakurri diot Juan Varelari Man uhartean 1,1 euro pagatuko dituztela hilero musika jaisteko.

Baina Spotify eta Deezer (egin frogak honekin ere, Ibon) beste eredu batekoak dira.

Ibon "Olagarro"Gaztanbide
Ibon "Olagarro"Gaztanbide dio:
2009/01/26 21:23

Aupa Mikel, Sustatutik nator.

Nik ere aste bete daramat Spotifyrekin txundituta; aintzat hartuta gainera soinu katearekin konektatua dudala ordenagailua, are txunditutagoa.

Pare bat lagunei eta anaiari Spotifyren berri eman, eta haiek ere flipatzen dabiltza. Kekoren artikuluaren muinarekin bat dator, baina hark esan bezala nik ere "mp3a asmatu zenetik musikaren aurrerapen handiena" dela uste dut.

Urtarrilaren 13an karrikaratu da, adibidez, Miles Davisen Kind of Blue (Legacy Edition), eta dagoeneko entzungai dago: http://open.spotify.com/album/4sb0eMpDn3upAFfyi4q2rw

Gustatzen zait diseinua, barne nabegazioa, artisten diskoak azalekin ikustea... – Itunesen antza duela irakurri dut – Eta irratia ere –

Pare bat kontu: nik gonbidapenik ez dut behar izan, besteak beste zuk ematen duzun lotura erabili nuelako:

https://www.spotify.com/en/get-started/

Bi: non dago tranpa? Horixe datorkit burura Spotify irekitzen dudan bakoitzean. Publizitaterik ez dut entzun, ez ikusi, eta dohan erabili dut. Milioika erabiltzaile dituztelarik kobratuko al dute?

Eta galdera irekia: zenbat ordainduko zenuke/te zerbitzu hau erabiltzeagatik? Kontuan hartuta abestiak ezin direla deskargatu, baina askok dugun KD eta MP3 bilduma baina zabalagoa dela?

Izan ongi.

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Idatzi zortzi zenbakiak erabiliz
Erantzuna:
Aurkezpena

Mikel Iturria aka Iturri, irundar bat eibarnauta elastikoarekin agit&prop egiten.

Pedradas, en castellano

Kontrakoa esaten ez den bitartean, blog honen edukia ondorengo Creative Commons lizentzia honen pean dago:

Somerights20

Stat counter