Etxeko andreak
Natalia Martín Cantero kazetariaren bloga irakurriz izan nuen atzo Proyecto Geniaren berri eta bertatik ekarri ditut goiko eta beheko irudiak.
Albistea Público egunkarian azaldu zen. Hala ere, sarean ikusi dudanez, albistearen iturriak uztailaren 1era eramaten gaitu. Egun horretan eskatu baitzion Andalucía Laica taldeak Andaluziako Juntari ez emateko dirulaguntzarik bi proiektu hauei: Proyecto Genia eta Club Albihar (lotuta daude).
Andalucía Laicak kudeatzen du Laikotasunaren Behatokia izenekoa eta zenbait hiritarrak aurkeztu omen zuten bertan kexa.
Bi arrazoi aipatzen dituzte:
1.- Emakumearen diskriminazioa sustatzen du (emakumeak etxebizitzari mugatu beharko luke bere eginkizuna) eta prestakuntza matxista eskaintzen du.
2.- Opus Deiri loturiko taldea da (froga moduan esteken atala aurkeztu dute), erakunde konfesionala.
Kexek komunikabideetan izan duten oihartzuna ikusi ondoren, korrika eta presaka ari da Junta zerbait egin nahian.
Barrea eragiteko modukoa da, tristea izango ez balitz.
Eguneratzea. Uztailak 31. 10:30. Agian ez dut behar den bezala adierazi: funtsean, 9-17 urteko neskei etxeko lanak egiten ikasteko ekimena da.
Horrelako hezkuntza mota bizi-bizirik dagoela agerian uzten du kontu honek.
Gurasoak bere seme-alabak sekta batean, arrazismoan, homofobian, xenofobian, ezjakintasunean, sexismoan, elebakartasunean... Nahi duten edozein keriatan hezitzeko eskumena daukate, Gurasoen Hezitzeko Libertadea babesten du "gure" konstituzioak beste kontu askoren gainetik. Hala ez?
Neskak eta mutilak bereiz daitezke, eta bereizten dira, gure eskola sisteman, bakoitzari berea emateko-edo, (haien argudioen bidez kalitatea hobetzeko); sinismen erlijioso batzuk hezkuntzaren ardatz nagusi izan daitezke gure hezkuntza sistema barnean eta diru-laguntzak jaso eta guzti, eta bukatzeko, gurasoek umeak bere etxean ere hezi ditzakete, eskolaratzea derrigorrezkoa izateari uzten ari zaio eta.
http://www.sindicat.net/n.php?n=8751
Horrelako jarrera honi eutsi egin beharko genioke:
"Los padres no pueden dar la educación que quieran a sus hijos porque no son de su propiedad; esa educación también compete a los poderes públicos y no puede ser un subterfugio para que los padres tengan carta blanca" Iñigo Lamarca. Arartekoa.