Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Harrikadak / Barça eta Madriden liga

Barça eta Madriden liga

Mikel Iturria 2011/09/12 07:00
Larunbatean Realak Bartzelona hartu zuen Anoetan. Azken bolada honetan nabaritzen ari naiz gero eta sinpatia gutxiago dituela talde kataluniarrak gurean ere.

Larunbat arratsaldean gogotsu joan nintzen Anoetara 2011-12 denboraldiko Realaren etxeko lehen partida ikustera. Bartzelona zen kontrarioa. Baina lehen zatia ikusi ondoren (partida beharrean kataluniarren rondo bat zirudien zelaikoak) asper-asper eginda nengoen eta haserre ikuskizun harekin. Izan ere, nik ere pentsatu nuen lehen zatiko hamaikagarren minuturako dena esanda zegoela. Zorionez, bigarren zatian, lo atera ziren blaugranak eta ederki lortu zuten txuri-urdinek berdinketa (minutu batean).

Garai batean Barça gustuko nuen, baina azken urte hauetan zenbat eta gehiago ikusi zuzenean, orduan eta gutxiago gustatzen zait taldea. Telebista aurrean ere aspergarria egiten zait talde bat baloia hartu eta alde batetik bestera mugitzen ikustea, arerioak zer egin ez dakiela dagoen bitartean.

Real Madrid ere ez dut gogoko eta bi erakunde oilar horiek besteen gainetik pasatzeko duten joera hori gorroto dut: gainerakoekiko duten aldea (telebista-eskubideen banaketa adibide bat baino ez da), inguruan mugitzen den edozer harrapatzeko ahalegina (Madrilek Realeko bi gazte iritsi berri fitxatu nahi omen zituen abuztuaren bukaeran)...

Eta gero Liga bera dago: jardunaldiak amaitezinak bihurtzen dituzten ordutegiak, irratiei eskubideak kobratzeko asmoa... Zer esan daiteke Astiazaran presidente duen erakunde bati buruz? No comment, Toshack-ek esango lukeen bezala.

Batzuetan pentsatzen dut onuragarriagoa dela bi horiek beren liga propioa sortzea (europarra nahi badute) eta gainerakoen arteko lehiaketa jokatzea. Gauzak dauden bezala, txapelketa berdintze aldera, ondo legoke bigarren taldeekin jokatzea.

La liga del Barça y del Madrid, este apunte en castellano.

Trebi
Trebi dio:
2011/09/12 18:36

Iturri, foballa kaka bat baldin badok... itzi egin bihar detsak juateari. Badittuk, benetan, gauza interesagarriagorik. Desengantxau hadi, gorputzak eskertuko deuk. "Monoa" pasau bihar, gogorra izan leikek, izardittan esnatuko haiz gabian penaldi-ezpenaldi ete zuan telebistan 8 bidarrez ikusittako jokaldi hori. Arbitrua, ez izan dudarik, beti dok hire ekipuan kontrakua. Bilbokuak beti dauaz ahaleginetan Errealari nola kalte egin... Kafiak lagundu egitten dok "monoa" pasatzen. Ai! "borondate indarra" bihar dok, eta hi horretan...

patxi lurra
patxi lurra dio:
2011/09/12 14:23

Horixe baietz, Jon! Zale txuri-urdinen artean "realistak" ditugu alde batetik, errealitate gordina objetiboki ikusten dutena eta ezkortasuneruntz lerrotzeko joera deukiena, eta "surrealistok" beste alde batetik, laino guztien azpitik sentimental hutsak eta irrazionalak garenok. Halandabe, baikorrenen artean baikorrenak be ezin asmatuko eban zapatuko bigarren zati surrealista. Neuk esate baterako ahaleginik be ez neban egin partidara juteko, alde batetik "errealismoak" jota eta bestetik Mikelek aipatzen dituan puntu asko horiengaitik, protesta moduan edo.

patxi lurra
patxi lurra dio:
2011/09/13 12:46

Behi guztiak ez dira bardinak.

Xabier Etxaniz Rojo
Xabier Etxaniz Rojo dio:
2011/09/12 16:15

Oraintxe bertan bidali dut bihar edo etzi Irutxuloko Hitzan agertuko den nire "futbologia". Gero Iturriren sarrera berri bat zegoela ikusi eta irakurtzeari ekin diot, gustura betiko moduan. Hau guztia diot hurrengo egunetan etor litezkeen plagio salaketak errotik eta behin betiko uxatze aldera... Izan ere, Iturrik hemen argitaratutako ideiak nik nire testuan plazaratuko ditudanak dira, hainbatetan hitzez hitz.

Irakurketa berbera egin izanak, ordea, kezaktzen nau. Bietako bat, edo Iturrik eta biok telepatia daukagu edo Iturrik nik bezainbeste daki futbolaz... eta biak ala biak kezakagarriak dira...

Jon
Jon dio:
2011/09/12 11:18

Ados nago esandakoarekin.

Lehenengo zatiko "asperraldian" ideia bat izan genuen. Zergatik ez du Errealak urte hasieran bazkidieen artean zozketa bat egiten 28 errealzaleri futbolari profesionalen fitxa emateko? 14 zaletuk (berdin du hauek 86 urte edo 6 hilabete izatea) Barçaren kontra jokatuko lukete eta beste 14ek Madriden kontra. Ikusgarria izan liteke eta Madrid eta Barçarentzat umilagarria. Total, 0-7 edo 0-107 galdu... ze inporta du.

Hau dena lehenengo zatian komentatu genuen. Bigarrenean... hori bai izan zela surrealista!

iturri
iturri dio:
2011/09/13 00:05

Futbolak badu tiroia, eh?

@jon Ez da ideia txarra bazkideen arteko zozketa egitea. Beste bat da, Bartzelona eta Madrid taldeei jokalari onenak kentzea eta besteen artean banatzea.

@patxi Lehen zatian benetan zelaitik joatekotan egon nintzela behin baino gehiagotan. Gora realsocialismoa eta surrealismoa!

@trebi Ez dakit futbola gustatzen zaidan edo ez. Zalantza daukat. Niri gustatzen zait Realaren partidak (eta Sanserenak) ikustea. Eta laster Realeko neskak ikustera joateko asmoa daukat. Monoa? Igual bai.

@xabier Lasai... Zure ikuspuntutik kezkagarriena da nik futbolaz oso gutxi dakidala. ;-)

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hiru ken lau (idatzi zenbakiz) ?
Erantzuna:
Aurkezpena

Mikel Iturria aka Iturri, irundar bat eibarnauta elastikoarekin agit&prop egiten.

Pedradas, en castellano

Kontrakoa esaten ez den bitartean, blog honen edukia ondorengo Creative Commons lizentzia honen pean dago:

Somerights20

Stat counter