Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Harrikadak / Realaren dekadentzia

Realaren dekadentzia

Mikel Iturria 2006/09/25 01:30

En castellano

Denbora asko pasa da Realari buruz idatzi gabe, baina gaur gainezka eginda nago. Partida aurretik terraza batean geunden kafetxoa hartzen eta nire buruari galdetzen diot orain ea zergatik ez naizen bertan geratu…

Recreativok 2. gola sartu duenean, bazkide txartela eskuratu nuenetik lehenengo aldiz pasa zait burutik ea merezi ote duen abonua berritzea datorren urteari begira. A zer desastrea!

Makal jokatu dugu lehenengo zatia, tokia zelaian hartu gabe. Atsedenaldiaren ondoren, okerrago jarri zaizkigu gauzak, berehala sartu baitute andaluziarrek bigarren gola. Zailena lortu ondoren, markagailua berdintzea, azken jokaldian dena pikutara bidali dute txuri-urdinek.

Egoera konpontzeko azken itxaropen izpia Bakerorengan jarrita nuen, nahiz eta pentsatu botere gehiegi duela gizon honek Realean (are gehiago aulkian dagoela eserita kontutan hartuz eta emaitza onik lortu ezean, kalera joango dela. Eta ez dut atzetik inor aginteduna ikusten aurrera egiteko gaitasunarekin).

Esan bezala, itxaropena Bakero zen, baina ez dirudi buelta emateko moduan dagoenik. Harmailetan ez da giro: zaleak oso nerbioso daude eta ez dugu taldea laguntzen. Jokalariek konfiantza falta izugarria dute. Administrazio Kontseilua, zer esan!

Aitor Tornavaca jokalari gasteiztarrari eginiko elkarrizketa argitaratu dute aste honetan Berrian. Aitor Recreativoko jokalari da egun. Ez da ohikoa, baina Realaren egoeraz galdetuta, benetan pentsatzen zuena erantzun zuen. Traza txarra hartzen diola taldeari, urte asko daramagula jaitsiera postuetatik gertu. Antzeko egoeran zegoen Gijongo Sporting nola joan zen 2. A mailara gertutik ezagutu zuela berak.

Arrazoi du Tornavacak. Realaren dekadentzia bizitzen ari gara. Bitartean, Gipuzkoako saskibaloi zaleak pozez txoratzen daude datorren aste bukaeran hasiko den ACB txapelketari begira. 6.200 bazkide ditu jada Gipuzkoa Basket taldeak eta ilusioz gainezka dago ingurua. Zaila izango da maila mantentzea, baina.

Irailaren 26ko eguneratzea: Duela ordu erdi nire postara iritsi den mezua.

"Ens estem plantejant la opció de crear una penya de Barça a Donostia. És per això que us convoquem a tots els que estigueu interessats, a una reunió que tindrà lloc, el pròxim dijous 5 d’octubre a les 20:30 hores a la nostre seu Restaurant Vía Fora (Psg. Federico Garcia Lorca, 10 baixos) per informar-vos del projecte. Us esperem a tots!".

etiketak:
iturri
iturri dio:
2006/09/25 12:21

Kaixo Gari:

Arrazoi osoa duzu: Anoetako abonua dut. Egunero etortzen bainaiz hona lanera eta igandetan ere... sufritzera.

Atzo, atsedenaldian, Anoeta Estadioko langile batekin egin nuen topo. Esan nion ez kexatzeko, bera behintzat lanean ari zela, ni ez bezala (aisialdian).

;-)

Gari
Gari dio:
2006/09/25 10:27

Iturri, erabaki okerra hartuta daukazu. Errealaren abonua baino, Anoetaren abonua daukazula pentsatu, eta etortzen diren ekipo onen jokoarekin gozatu, ABAOko edo Kursaaleko abonua dutenak bezala. Teoria honen problema da egun batean 2.B-ko ekipoekin ibiliko dela Reala, baina hori izango da berriz ere errealzale bihurtzeko momentu egokia. ;-)

satortzulo
satortzulo dio:
2006/09/25 16:23

sentitzen dut ba, baina niri ilusio berezia egingo lidake erreala bigarren mailara jaisteak, niretzako erreala diru publikoa bereganatzen ari den enpresa pribatu bat besterik ez da, langileek milioiak kobratzen dituzten enpresa pribatu bat

eta futbola nahikoa ez, eta saskibaloia, txirrindularitza... berdin

newton
newton dio:
2006/09/25 17:57

Bai tamalgarria atzokoa, ez nintzen zelaian izan baina bai anaia abonuarekin eta duela dexente ez nuela ikusten hain haserre ikusi taldearekin. Aurten Euskal Taldeak behealdean izango dute beraien liga, zer gertatzen da zaletua eta A.Rekarterekin? Akaso aulkian egon beharko luke, zenbait partidu.

Beñat
Beñat dio:
2006/09/26 13:11

Nik ez dut abonua utziko, baina gero eta gogo gutxiagorekin joaten naiz Anoetara. Zinemaldian murgilduta ibili naiz aste bukaera honetan, pelikula piloa ikusten, orokorrean maila onekoak. Igandean The tiger's tail eta Veinte años no son nada ikusi ondoren neskalagunari zera esan nion, urtero kusten dugula drama kaxkarren bat zinemaldian, aurten oraindik tokatu ez zaiguna, baina sentsazioa nuela aurtengo pelikula txarra Anoetakoa izango zela eta hala izan zen.

Gipuzkoa Basketen 6200 bazkide horietatik asko Errealaren bazkide dira ere, nik 4 ezagutzen ditut. Gauzak horrela segi ezkero askok errealekoa utzi eta saskibaloira pasako dira.

patxi lurra
patxi lurra dio:
2006/09/26 13:30

Aurton Peña Mujika taldeak 25 urte bete dau, eta pasa dan domekan omenaldi xumea egin eutsien Anoetan, jokalariek eurek be txaloak dedikau egin eutsiezan.

Gogoratzen naz zelan orain dala 17 bat urte, Atotxan genbilzala orduan, P.M. taldeko bategaz ibili nintzan eskutitzak trukatzen. Eskatu neutsan euren bufanda bat bidaltzea, Madrilen karrera ikasten nenbilen eta, eta bufanda bakarrik ez eta "pegata subertsibo" batzuk be bidali eustazan morroi horrek, uste dot hernaniarra zala bera. Etxean edukiko ditudala eskutitz horiek uste dot (espero dot Garzon-ek eta enparauek blog hau ez irakurtzea). Kontua da P.M.-ko mutil horreri bidalitako gutuna euskaraz idatzitako neure lelengoa izan zala.

Nostalgia albo batean lagata, 17 urte pasa dira, 25 urte be bai, eta gaur egun Mujikakoak dira taldea animatzen daben ia bakarrak. Beste 20.000 pertsona horiek, egon badagoz fisikoki estadioan, baina oso isilak eta diskretoak dira, eleganteegiak "forofoarena" egiteko eta txaloak edo aupadak emoteko. Bigarren mailara jaitsiz gero (ez dot espero holakorik eta ez dot uste ganera gertatuko danik), hor segiduko eben, geldirik, mutu, 20.000 "lagun izoztu" horiek guztiak.

"Kontxo! Bigarren mailara jaitsi gara! Agian animau behar izango dogu ekipoa zulotik ateratzeko..."Pentsauko dabe, agian, lagun izoztu horietako batzuk, Gari-k iradoki legez, orduan errealzale bihurtuta. Arazoa hortxe berton ikusten dot neuk, jentea Kursaalera moduan joaten dala Anoetara, ikusle/entzule huts moduan. Ikusi, entzun eta ixildu. Batzuk izaera kontua dala esaten dabe, gipuzkoarrak ez baitira cadiztarren edo huelvarren modukoak, esate baterako. Noski. Baina pasa dan domekan bina ipini ginanean ederto txalotzen eben guztiek, baita lagun izoztuek be. Baita geure atzealdeko "kirol kritikari aditu" marmartiak be, eta inguruko Rekarteren aurkako txistulari temati guztiek be. (Urteetan Larrañaga izan zan "zaletuen" turko-burua, orain Aitor da).

Esandakoa, zoridxonak Mujikakoei eta aupa Real. Gauzek holan segiduz gero, baina, txikira hordagoa bota behar izango dot Ahuntzaren Eguerdiko Domistikuan ,txuri-urdinen alde.

alajaina!
alajaina! dio:
2006/09/26 20:53

orain bartzelonaren penya Donostian ateratzea... Haritz eroriari orok egur

iturri
iturri dio:
2006/09/26 20:58

Ala: Donostian ez, baina Irunen badago Bartzelonaren peña. Sukurtsala ireki beharko dute kapitalian.

alajaina!
alajaina! dio:
2006/09/26 21:22

Irunen etzegok gauza onik :-DDD

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hogei ken bi? (idatzi zenbakiz)
Erantzuna:
Aurkezpena

Mikel Iturria aka Iturri, irundar bat eibarnauta elastikoarekin agit&prop egiten.

Pedradas, en castellano

Kontrakoa esaten ez den bitartean, blog honen edukia ondorengo Creative Commons lizentzia honen pean dago:

Somerights20

Azken erantzunak
Eskertzen da, Imanol. iturri, 2019/11/20 21:59
Post eskuzabala oso. Eskerrik asko, Mikel! 27zapata, 2019/11/18 15:46
Eskerrak zuri, Joxe. Entzun goiko aldean dagoen ... Mikel Iturria, 2019/11/15 10:18
Mila esker, Mikel. Oso gustura irakurri dut. Joxe Aranzabal, 2019/11/14 13:31
Eskerrik asko, Iban. iturri, 2019/10/02 13:13
Saminean lagun Iban, 2019/10/02 00:10
Kolpe latza. Gainontzeko egunetan bizitzen segitu ... Xaun, 2019/09/05 20:32
Eskerrik asko, Joni. Beti alai gogoratuko dugu. Mikel Iturria, 2019/09/05 18:26
triste nago, ezin burutik kendu, gizon alai bat ... Joni Ubeda, 2019/09/05 18:19
Hemen jarraitzen dugu guk ere. Hemen jarraitzen ... 27zapata, 2019/08/27 22:14
Stat counter