Paz de Corralen hitzaldia famili biolentziari buruz

Kaixo Maider:

Eskerrik asko mezuagatik.

Terminologia: emakumearen kontrako indarkeria edo biolentzia da, baina Pazek seme-alabek gurasoen kontra (semeek amaren kontra) egiten dutena ere sartu nahi zuen.

Ez hori bakarrik, gazteen artean gertatzen dena ere hor dago.

Zaila da hitzetan ados jartzea, baina kasu honetan uste dut denok ados gaudela zer den salatu nahi duguna.

Aupa Mikel! Poztutzen naiz gai hau jorratu izanaz zure blogean eta hain puntu garrantzitsuak azaldu izanaz. Gai honen inguruan lehenengo harria bota duena gizonezko bat izan izanak ere asko animatu nau, bada ta garaia gai honen inguruko gogoeta sakona denek egitekoa eta biolentzia honen aurkako pauso txikiak ematen hastekoa. Duela lau urte gizonengatiko biolentzia jasan duten emakumeekin lanean gabiltza emakume talde txiki bolondres bat eta gauza asko ikasi ditut esperientziarekin. Zuk aipatutako puntu batekin erabat ados nago: emakume bati ezin zaiola esan "banandu zaitez, denuntziatu ezazu", baldin eta berak ez badu ezer galdetzen edo adierazten. Emakume hauek autoestima oso baju daukate eta ez dira gai gizonezko hori gabe ezer egiteko (ta honi beste faktore negatibo batzuk ere erantsi daitezke: ekonomikoki dependiente izatea, etorkina eta paperik ez edukitzea, banandu ezkero indarkeria haundiagoa izateko bildurra...). Indarkeria jasaten duen emakume bat lagundu nahi ezkero, hoberena entzun eta goxotasuna ematea litzateke, laburbilduz, bere autoestima igotzen saiatu, seguru sentiarazi eta ahal izan ezkero, bere egoeraz pentsatzeko eta hausnartzeko espazio bat eskaini. Indarkeria mota hau eragin dezaketen faktoreak ere kontutan hartzekoak dira egoera hau aldatu nahi badegu eta zuk aipatutakoak dira garrantzitsuenak. Faktore guztien oinarria lehenengoa izanik: kultura patriarkalak eman dizkigun balore eta ohiturak. Bestalde,gauza bat zuzentzea gustatuko litzaidake: agian Paz de Corralek bere hitzaldiaren izenburuan hala erabiliko zuen, baina indarkeria mota hau "familia indarkeria" izenez deitzea ez da egoki nere ustez. Arrazoia: "famili indarkeria" badago, baina bertako biktimak haurrak, aitona-amonak eta gizon-emakumeak izan daitezke, ez da termino zehatza eta zorrotza. Gainera, familian gertatzen diren gauzak, agian norbaiti, familian konpondu beharrekoak direla iruditu dakioke. Fenomeno itsusi eta kezkagarri honi bere izenarekin deitu behar zaiola aldarrikatu nahiko nuke: "Emakumeen kontrako indarkeria" (gehienetan eta entzunena gizonezkoengandik datorrena, baina tamalez batzutan eta agian modu ezkutuagoan emakumeengandik jaso daitekeena ere, kultura patriarkalak denok salpikatu gaitulako). Beno Mikel, ea zuk piztutako txinpartak belar txar hau erretzeko adina su eragingo duen eta bertan lore ederrak aterako diren! Aio, Maider